मुंबई-नागपूर महामार्गावर ठाणे जिल्ह्यात वसणार नवी नगरी https://ift.tt/2Vhsvj1

मुंबई : दळणवळणच्या दर्जेदार सुविधा निर्माण झाल्या की शहरे वेगाने आकार घेतात. याच धर्तीवर महाराष्ट्र राज्य रस्ते विकास महामंडळाकडून मुंबई-नागपूर समृद्धी महामार्गावर ठाणे जिल्ह्यात सर्वात मोठ्या नगराची उभारणी करण्यात येणार आहे. या नगरात रहिवासी, व्यावसायिक आणि औद्यागिक वसाहती स्थापन करण्यात येणार असल्याने खऱ्या अर्थाने ही नगरे समृद्ध होणार आहेत. समृद्धी महामार्गालगत दोन टप्प्यांत एकूण १९ नगरे उभारण्यात येणार आहे. पहिल्या टप्प्यात ८ नगरांची जमीनमोजणी सुरू झाली आहे. शिवसेनेचा बालेकिल्ला असलेल्या ठाणे जिल्ह्यातील तालुक्यात फुगाळे या ठिकाणी २७१८ हेक्टर जागेत नगर उभारण्यात येणार असून या ठिकाणी शाळा, महाविद्यालय, दवाखान्यांसह सर्व सुविधांचा समावेश असणार आहे. मुंबई महानगर प्रदेशात या एकमेव नगराचा समावेश करण्यात आल्याने याकडे विशेष लक्ष आहे. शेतकऱ्यांसह उद्योजकांच्या अडचणी सोडवण्यासाठी एक खिडकी योजना राबवण्यात येत आहे. करोनाकाळामुळे नगरनिर्मिती प्रक्रिया मंदावली होती. महामार्गावरील पहिल्या ८ नगरांपैकी ५ नगरांमधील जमिनींची मोजणी पूर्ण झाली आहे. उर्वरित २ नगरांची मोजणी सुरू असून एका नगराची मोजणी सुरू झालेली नाही. आता पुन्हा एकदा वेगाने कामे करण्यात येत असून जमीन मोजणी पूर्ण करण्याला प्राथमिकता देण्यात येणार असल्याचे अधिकाऱ्यांनी सांगितले. विमानतळापेक्षा जास्त लाभ जमिनी गेलेल्या भूधारकांना नगर निर्मितीमध्ये सिडकोच्या धर्तीवर लाभ मिळणार आहेत. नवी मुंबई आंतरराष्ट्रीय विमानतळापेक्षा जास्त अर्थात एकूण जमिनीच्या ३० टक्के स्वरूपातील विकसित जमीन भूधारकांना दिली जाणार आहे. करोनामुळे नगरनिर्मिती मंदावली होती. आता वेगाने भूसंपादनासह अन्य कामे सुरू आहेत. राज्यातील अत्याधुनिक, सुरक्षित आणि दर्जेदार समृद्धी महामार्गावरील समृद्ध नगरांसाठी शेतकऱ्यांसह उद्योजकांनी निर्मितीसाठी पुढाकार घ्यावा. - कमलाकर फंड, मुख्य प्रशासक, नवनगर विकास प्राधिकरण 'समृद्धी'वरील आठ नगरांचा आढावा नवनगर-सल्लागार कंपनी- जिल्हा/तालुका - अधिसूचित जमीन (हेक्टर मध्ये) -सद्यस्थिती फुगाळे - क्रिसिल - ठाणे/शहापूर -२७१८.७३- मोजणी सुरू बाबतारा- फोट्रेस- औरंगाबाद/वैजापूर -१९६७.९५२ - १६२६ हेक्टर मोजणी पूर्ण सावरगाव - एचसीपी - बुलढाणा/सावरगाव माळ - १९४६.८५ - १४०६ हेक्टर मोजणी पूर्ण मेहकर - एसबीजे - बुलढाणा/मेहकर - १४१८.७३ - मोजणी सुरू घायगाव - क्रिसिल - औरंगाबाद/वैजापूर - १२४९.८४ - मोजणी पूर्ण विरुळ - एचसीपी - वर्धा/सेलू - ११३३.०२ - मोजणी पूर्ण हडस पिंपळगाव - फोट्रेस - औरंगाबाद/वैजापूर - १०४८.५२५ - ७७० हेक्टर मोजणी पूर्ण केळझर - एसबीजे - वर्धा/सेलू - ६९२.१६ - अद्याप सुरू नाही

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3lc6Pjs