फसवणूक प्रकरण: साक्षीदार किरण गोसावीवर पोलिसांची मोठी कारवाई https://ift.tt/3dfw6E8

मटा वृत्तसेवा, पालघर मुंबई क्रूझ ड्रग प्रकरणात साक्षीदार असलेल्या (Kiran Gosavi) याने एडवण येथील दोन तरुणांची फसवणूक केल्या प्रकरणी अखेर केळवे सागरी पोलिसांनी गोसावीला पुणे पोलिसांकडून ताब्यात घेतले आहे. गुरुवारी पालघर येथील न्यायालयात हजर केले असता ७ डिसेंबरपर्यंत त्याला पोलिस कोठडी सुनावण्यात आली आहे. ( was arrested by palghar police and court remanded in police custody till december 7) जिल्ह्यातील एडवण येथील उत्कर्ष तरे व आदर्श किणी ह्या दोन तरुणांना मलेशिया येथे नोकरी देतो असे सांगून त्यांच्याकडून नवी मुंबई येथील केपी इंटरप्राईजेस या कार्यालयातून सुमारे १ लाख ६५ हजाराची रक्कम गोसावी यांनी आपल्या बँक खात्या द्वारे घेतली होती. या दोन मुलांना तिकीट आणि व्हिसा दिल्या नंतर ते विमानतळावर पोचल्यावर तिकीट आणि व्हिसा बनावट असल्याचे तपासणीत आढळल्यावर आपली फसवणूक झाल्याने केळवे पोलीस ठाण्यात तेव्हा लगेचच या दोन्ही तरुणांनी तक्रार अर्ज दाखल केला होता. तरुणांकडे असलेले भक्कम पुरावे पाहता आरोपी किरण गोसावी विरोधात फसवणुकीचा गुन्हा दाखल होणे अपेक्षित असताना त्याचे एनसीबी सह अन्य पोलीस अधिकाऱ्यांचे असलेले संबंध पाहता त्याचा तक्रारी अर्ज गेली दोन वर्षे धूळ खात पडून होता. क्लिक करा आणि वाचा- आर्यन खान ड्रग प्रकरणातील त्याचा सहभाग पाहता घाईघाईने केळवे पोलीस ठाण्यात गोसावी विरोधात फसवणुकीचा गुन्हा दाखल झाला.पुणे पोलिसांनी गोसावी ला अटक केल्या नंतर न्यायालयीन प्रक्रिया पूर्ण करीत अखेर केळवे पोलीस ठाण्याचे सहाय्यक पोलीस निरीक्षक भीमसेन गायकवाड यानी पुणे पोलिसांकडून बुधवारी त्याला ताब्यात घेतले. क्लिक करा आणि वाचा- अनेक प्रकरणात वादग्रस्त व्यक्तिमत्व बनलेल्या किरण गोसावी याचे अंग सुरक्षा रक्षक प्रभाकर साईल यानी आर्यन खानच्या सुटकेसाठी मागितलेल्या २५ कोटीतील ३८ लाख स्वीकारणारे सॅम डीसुझा म्हणून पालघर मधील हेनिक बाफना याचा फोटो व्हायरल झाल्या नंतर बाफना यानी प्रसार माध्यमांसमोर येत सॅम डिसुझा म्हणजे मी नाही असे जाहीर करीत पोलीस अधिक्षकाकडे प्रभाकर विरोधात तक्रार दाखल केली. क्लिक करा आणि वाचा- पालघर जिल्ह्यातील या दोन तरुणाची फसवणूक करतानाच त्याने अन्य व्यवसायानिमित्त पालघर मध्ये अनेक फेऱ्या मारल्याने जिल्ह्यात वाढत्या ड्रग पुरवठ्यात त्याचा हात आहे का?याचाही तपास पोलिसांनी करावा अशी मागणी होत आहे. पालघर न्यायालयाने किरण गोसावी ला ७ डिसेंबर पर्यंत पोलीस कोठडी सुनावली आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3odVSii