राज्यात आज ओमिक्रॉनचे १२५ नवे रुग्ण; सर्वाधिक रुग्ण पुण्यात https://ift.tt/3fJLIkw

मुंबई: राज्यात आज १२५ नव्या ओमिक्रॉनच्या रुग्णांचे निदान झाले असून हे सर्व रुग्ण पुणे महापालिका क्षेत्रातील आहेत. काल राज्यात एकूण २१४ रुग्णांचे निदान झाले होते. कालच्या तुलनेत आज नव्या रुग्णांमध्ये ९० ने घट झाल्याने दिलासा मिळाला आहे. (omicron latest update maharashtra registered 125 new cases) या बरोबरच, राज्यात आतापर्यंत एकूण २ हजार १९९ ओमिक्रॉनचे रुग्ण आढळले आहेत. त्यांपैकी १ हजार १४४ रुग्ण बरे झाले आहेत. वाचा- आतापर्यंत सर्वाधिक रुग्णसंख्या पुण्यात राज्यात आतापर्यंत सर्वाधिक म्हणजेच ८६५ ओमिक्रॉनच्या रुग्ण पुणे शहरात आढळले आहेत. तर, त्या खालोखाल मुंबईत ६८७ रुग्णांची नोंद झालेली आहे. मुंबईत आज गुरुवारी ५,७०८ रुग्णांची नोंद राज्याच्या आरोग्य विभागाने दिलेल्या माहितीनुसार आज गुरुवारी मुंबईत ५ हजार ७०८ नव्या करोना रुग्णांची नोंद झाली आहे. तर मुंबईत दिवसभरात एकूण १५ हजार ४४० रुग्ण बरे झाले. गेल्या २४ तासांमध्ये मुंबईत १२ रुग्णांचा कोरोनामुळे मृत्यू झाला आहे. मुंबईत सध्या ४४ इमारती सील करण्यात आल्या असून आज मुंबईत सापडलेल्या ५ हजार ७०८ नव्या रुग्णांपैकी ५५० रुग्णांना रुग्णालयात दाखल करण्यात आले आहे. तसेच ४ हजार ७९५ रुग्णांमध्ये कोणत्याही प्रकारची लक्षणे आढळलेली नाहीत. मुंबईतील रुग्ण बरे होण्याचा दर वाढून तो ९६ टक्क्यांवर पोहोचला आहे. वाचा- राज्यात दिवसभरात ५३ हजार ०२५ रुग्ण झाले बरे आरोग्य विभागाने दिलेल्या माहितीनुसार, राज्यात गेल्या २४ तासात ४६ हजार १९७ नव्या रुग्णांचे निदान झाले आहे. तर, आज राज्यात एकूण ३७ रुग्णांचा मृत्यू झाला आहे. तर दिवसभरात ५२ हजार ०२५ करोना बाधित रुग्ण बरे होऊन घरी गेले आहेत. या बरोबरत राज्यात आज एकूण १ लाख ४१ हजार ४९२ रुग्णांवर (सक्रिय रुग्ण) उपचार सुरू आहेत. वाचा- राज्यात आजपर्यंत एकूण ६९ लाख ६७ हजार ४३२ करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९४.५२ टक्के झाले आहे. आजपर्यंत तपासण्यात आलेल्या ७ कोटी २७ लाख ४५ हजार ३४८ प्रयोगशाळा नमुन्यांपैकी ७३ लाख ७१ हजार ७५७ नमुने पॉझिटिव्ह आले आहेत. हे प्रमाण १०.१३ टक्के इतके आहे. सध्या राज्यात २४ लाख २१ हजार ५०१ व्यक्ती होम क्वारंटाइनमध्ये आहेत, तर ३ हजार ३९१ व्यक्ती संस्थात्मक क्वारंटाइनमध्ये आहेत.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3tKXx24