प्रेम प्रकरणातून सुरू असलेला वाद सोडवण्यासाठी 'तो' गेला आणि पुढे घडले ते धक्कादायकच https://ift.tt/cipCxkd

म. टा. प्रतिनिधी, पुणे लोकमान्यनगरच्या पोस्ट ऑफीसजवळ प्रेमप्रकरणातून सुरू असलेला वाद सोडविण्यासाठी गेलेल्या तरुणावर प्रेयसीच्या मामाने तलवारीने वार करून केल्याची घटना शुक्रवारी रात्री पावणे अकराच्या सुमारास घडली. याप्रकरणी विश्रामबाग पोलिस ठाण्यात खुनाचा गुन्हा दाखल झाल्यानंतर एका व्यक्तीला अटक करण्यात आली आहे. (the young man who went to settle dispute irrupted out of had to lose his life) प्रसाद उर्फ गणेश रवींद्र गायकवाड (वय २१, रा. गणेशमळा) असे खून झालेल्या व्यक्तीचे नाव आहे. याप्रकरणी तरुणीचा मामा तुकाराम मारुती दारवटकर (वय ४१, रा. खैरेवाडी, गणेशखिंड रस्ता) याला अटक करण्यात आली आहे. तर, माउली मारुती दारवटकर (वय ४१, रा. खैरेवाडी, गणेशखिंड रस्ता), पौर्णिमा रविंद्र भरगुडे (वय २२, रा. लोकमान्य नगर) यांच्यासह पाच ते सहा जणाविरुद्ध विश्रामबाग पोलिस ठाण्यात गुन्हा दाखल करण्यात आला आहे. याप्रकरणी राहुल शांताराम वाळज (वय २२, रा.भुकुम) यांनी तक्रार दिली आहे. क्लिक करा आणि वाचा- पोलिसांनी दिलेल्या माहितीनुसार, तक्रारदार राहुल याचा कपड्याचा व्यवसाय आहे. तो व त्याचा मित्र शुक्रवारी रात्री लोकमान्यनगर येथून जात होते. त्यावेळी त्याला त्याची प्रेयसी ती काम करत असलेल्या दुकानाच्या व्यवस्थापकासोबत दुचाकीवरून जाताना दिसली. त्यामुळे त्याने व मित्राने व्यवस्थापकाला थांबवून दोघात काय सुरू आहे का, अशी विचारणा केली. त्यावरून व्यवस्थापक व राहुल वाळज यांच्यात वाद सुरू झाले. त्यावेळी राहूलच्या प्रेयसीने तिचे मामा तुकाराम व माउली दारवटकर यांना बोलवून घेतले. दारवटकर व आणखी पाच ते सहाजण त्या ठिकाणी आले. त्यांनी तक्रारदार व त्यांचा मित्र राज पवार यांना शिवीगाळ व मारहाण करण्यास सुरुवात केली. त्यावेळी तक्रारदार यांचा मावसभाऊ रोहित मुळे व त्याचा मित्र गणेश गायकवाड तेथून जात होते. त्यांनी हा प्रकार पाहिला. ते दोघे भांडणे सोडविण्यासाठी आले. क्लिक करा आणि वाचा- त्यानंतर तुकाराम दारवटकर याने त्याच्याकडील छोट्या तलवारीने राहुल याच्यावर वार केला. पण, त्याने तो वार चुकविला. त्यानंतर राज पवार व गणेश गायकवाड या दोघांनी तुकाराम दारवटकर यास पकडून ठेवण्याचा प्रयत्न केला. त्यावेळी तुकाराम दारवटकर याने त्याच्याकडील तलवार गणेशच्या छातीत घुसविल्याने गणेश गंभीर जखमी होऊन त्याचा मृत्यू झाला. घटनेची माहिती मिळताच विश्रामबाग पोलिसांनी घटनास्थळी धाव घेतली. याप्रकरणी गुन्हा दाखल करून तुकाराम दारवटकर याला अटक केली. तर, इतर आरोपींचा शोध सुरू आहे. क्लिक करा आणि वाचा-

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/9S1DEtb