सांगलीतील दोघे गणपतीपुळे येथील समुद्रात बुडत होते; इतक्यात असे काही झाले की मोठा अनर्थ टळला https://ift.tt/GLwVBuF

रत्नागिरी : कोकणातील अथांग समुद्र अनेकांना भूरळ घालतो. पर्यटकही समुद्रस्नानाचा आनंद घेण्यासाठी येथे येत असताना. पण मोह न आवरल्याने समुद्रात जास्तीतजास्त आतमध्ये जाण्यासाठी प्रयत्न करतात. हीच बाब कोणतीही काळजी न घेतल्यास जीवावर बेतू शकते, याचे भान बाळगणे आवश्यक आहे. समुद्रात हे प्रकार पर्यटकांच्या अतिउत्साहामुळे अनेकदा घडत असतात. जीवरक्षक सतर्क असल्याने पर्यटकांसाठी ते देवदूत ठरतात. असाच एक धक्कादायक प्रकार गणपतीपुळे समुद्रात पोहायला गेलेल्या सांगलीतील दोघांच्या बाबतीत आज घडला. मात्र याचवेळी गणपतीपुळे येथील जीवरक्षक देवदूतासारखे त्यांच्या मदतीला धावल्यामुळेच त्यांचे प्राण वाचले. भूषण हेमंत अडसूळे (२२), हेमंत सीताराम अडसूळे(२२, रा. सांगलीतील मिरज घनबाग) बुडत असताना बचावलेले हे दोघेही आता सुखरूप आहेत. (Lifeguards from Ganpatipule saved the lives of two people from ) त्या दोघांना बुडताना गणपतीपुळ्यातील जीवरक्षकांनी वाचवले, अन्यथा मोठा अनर्थ घडला असता. ही घटना आज रविवारी दुपारी साडेतीनच्या सुमारास घडल्याची माहिती समोर आली आहे. भूषण हेमंत अडसूळे (२२), हेमंत सीताराम अडसूळे (४७) (रा. सांगलीतील मिरज घनबाग) येथील दोघेजण दुपारी साडेतीन वाजता समुद्रात पोहायला गेले असता ते बुडत होते. त्यांनी वाचविण्याकरिता आरडाओरडा केला. त्यावेळी जीवरक्षक रोहित माने, हेमंत महादेव, स्थानिक व्यावसायिक अक्षय सुर्वे उर्फ बंटी शरद मयेकर या सर्वांनी मिळून त्यांचा जीव वाचवण्याची यशस्वी कामगिरी केली. चार दिवसांपूर्वी घडला असाच प्रकार गणपतीपुळे येथे आलेल्या पुण्यातील एका पर्यटकाला आज दुपारी एक वाजण्याच्या सुमारास समुद्रात बुडताना वाचवण्यात आले. सागर रक्षक दलाच्या सदस्याने त्याचा जीव वाचवला. गुलशन सुधाकर राठोड (२८) असे या तरुणाचे नाव असून, तो मूळचा नांदेड जिल्ह्यातील पानोला (माहुर) येथील आहे. सध्या तो पुण्यातील चाकण येथे एका कंपनीत काम करतो. गणपतीपुळे येथील सागर रक्षक दलाचे सदस्य शरद मयेकर (रा. मालगुंड- भंडारवाडा) यांच्या धाडसामुळे गुलशनचा जीव वाचला.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/EXb8QIc