सिंधुदुर्ग: केंद्रीय मंत्री नारायण राणे यांनी पत्रकार परिषद घेत उद्धव ठाकरे यांनी मला मारण्यासाठी कुख्यात गुंड छोटा शकीलला सुपारी देण्यात आली होती, असा आरोप केला होता. कुडाळचे आमदार वैभव नाईक यांनी त्याला प्रत्युत्तर देत राणे याआधी सुपारी घ्यायचे हे संपूर्ण महाराष्ट्राला माहित आहे, असा पलटवार केला. काही खु्नांच्या केस मध्ये राणेंचा हात होता. आणि त्यामुळे त्यांच्यावर दोषारोप ही झाले आहेत. उद्धव ठाकरे यांच्याबाबत बोलायला तुम्हाला वीस वर्षे का लागली असा प्रश्न उपस्थित केला आहे. शिवसेनेची ताकद महाराष्ट्रातच नाही तर दिल्लीच्या तख्तापर्यंत धडकणार आहे. शिवसेना फोडण्यासाठी देशाचे पंतप्रधान आणि गृहमंत्र्यांना प्रयत्न करावे लागतात. एका पोट निवडणुकीसाठी बैठका घेत आहेत आणि शिवसेनाला घेरण्याचा प्रयत्न करत आहेत. शिवसेनेसोबत १५ आमदार असून सुद्धा शिवाजी पार्कवर लाखो लोक उद्धवजींसोबत होते. महाराष्ट्राची करोडो जनता ही उद्धवजींचे विचार ऐकत होती, दसरा मेळाव्यात उद्धवजींची ताकद दिसू लागल्याने नारायण राणेंना त्याचाच पोटशुळ असल्याचे प्रतिक्रिया आमदार वैभव नाईक यांनी दिली आहे. वैभव नाईक कोण आहेत? वैभव नाईक हे नारायण राणे यांच्या पारंपारिक विरोधक मानले जातात. वैभव नाईक यांनी नारायण राणे यांना एकदा पराभूत देखील केलं होतं. कुडाळ मालवण मतदार संघाचे शिवसेनेचे आमदार वैभव नाईक यांनी उद्धव ठाकरे यांच्यासोबत एकनिष्ठ राहण्याची भूमिका घेतली. उद्धव ठाकरे यांच्या पाठिशी राहणारे ते सिंधुदुर्ग जिल्ह्यातील एकमेव आमदार आहेत. शिवसेनेचे ४० आमदार आणि १२ खासदार शिंदे गटात गेले असताना उद्धव ठाकरेंसोबत विधानसभेचे जे १५ आमदार आहेत त्यांच्यामध्ये वैभव नाईक यांचा समावेश आहे. वैभव नाईक यांनी उद्धव ठाकरे आणि आदित्य ठाकरे यांच्यासोबत ठामपणे उभे राहण्याची भूमिका घेतली आहे. आदित्य ठाकरेंच्या शिवसंवाद यात्रेच्या सभांचं आयोजन देखील वैभव नाईक यांनी केलं होतं. गेल्या काही दिवसांपूर्वी वैभव नाईक यांना रत्नागिरी एसीबीनं चौकशीसाठी नोटीस दिली होती.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/qAz5CMk
No comments:
Post a Comment