अहमदाबाद: गुजरातच्या मोरबीमध्ये आज मोठी दुर्घटना घडली. मच्छू नदीवरील केबल ब्रिज कोसळला. पूल कोसळल्यानं शेकडो जण नदीत पडले. पैकी ६० हून अधिक जणांचा मृत्यू झाला आहे. शंभरपेक्षा जास्त जण बेपत्ता असल्यानं मृतांचा आकडा वाढण्याची भीती आहे. दुर्घटना घडतेवेळी मोठ्या संख्येनं भाविक पुलावर होते. दुर्घटनेनंतर परिसरात एकच खळबळ माजली. पोलीस आणि प्रशासनाकडून मदतकार्य सुरू आहे. मच्छू नदीवरील केबल ब्रिज गेले ७ महिने बंद होता. पुलाच्या नुतनीकरणाचं काम सुरू होतं. ते नुकतंच पूर्ण झालं. पाच दिवसांपूर्वीच पूल सर्वसामान्यांसाठी खुला झाला. नुतनीकरणानंतर अवघ्या काही दिवसांत पूल कोसळल्यानं अनेक प्रश्न निर्माण झाले आहेत. मात्र यावरून राजकारण करू नये, दुर्घटनेचा वापर राजकारणासाठी नको, अशा स्वरुपाच्या प्रतिक्रिया गुजरातमधील सत्ताधारी भाजप नेत्यांकडून येत आहेत. भाजप नेते राजकारण करू नका, असं आवाहन करत असताना पंतप्रधान नरेंद्र मोदींचा ७ एप्रिल २०१६ रोजीचा एक व्हिडीओ समोर आला आहे. तेलंगणा राष्ट्र समितीचे सोशल मीडिया संयोजक वाय. सतीश रेड्डींनी मोदींचा व्हिडीओ ट्विट केला आहे. ३१ मार्चला पश्चिम बंगालच्या कोलकात्यात एक निर्माणाधीन . त्यात २७ जणांचा मृत्यू झाला होता. ५० पेक्षा अधिक जण जखमी झाले होते. यानंतर मोदी कोलकात्याच्या दौऱ्यावर होते. त्यावेळी त्यांनी उड्डाणपूल दुर्घटनेवरून राज्यातील सत्ताधारी तृणमूल काँग्रेस आणि मुख्यमंत्री ममता बॅनर्जी यांना लक्ष्य केलं होतं. काय म्हणाले होते मोदी? निवडणुकीच्या दिवसांत आहे. हा देवानं लोकांना दिलेला संदेश आहे. आज हा पूल पडला आहे. उद्या या (ममता बॅनर्जी) अशीच अवस्था संपूर्ण बंगालची करतील. त्यामुळे देवानं हा संदेश दिला आहे. पश्चिम बंगालला वाचवा, असा संदेश देवानं या घटनेतून दिला आहे, असा शब्दांत मोदींनी एप्रिल २०१६ मध्ये उड्डाणपूल दुर्घटनेवरून राज्य सरकारवर टीका केली होती. आता विरोधक काय म्हणताहेत? गुजरातमधील केबल ब्रिज विधानसभा निवडणूक काही आठवड्यांवर आली असताना कोसळला. मोदींना यावरून एक मेसेज द्यायचा आहे, असं म्हणत तेलंगणा राष्ट्र समितीचे सोशल मीडिया संयोजक वाय. सतीश रेड्डींनी मोदींचा २०१६ मधला व्हिडीओ ट्विट केला आहे. केलेलं कर्म परत येतं, असं म्हणत त्यांनी सणसणीत टोलाही हाणला आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/Goy7BaU
No comments:
Post a Comment