नांदेड: तेलंगणातील भारत राष्ट्र समिती म्हणजेच पूर्वीची तेलंगणा राष्ट्र समिती नांदेडमधून महाराष्ट्राच्या राजकारणात प्रवेश करणार आहे. पक्ष वाढीसाठी बीआरएस नेत्यांच्या नांदेडमध्ये गाठीभेटी सुरू झाल्या आहेत. तेलंगणाचे मुख्यमंत्री के. चंद्रशेखर राव येत्या ५ फेब्रुवारी रोजी नांदेड मध्ये सभा घेणार आहेत. तेलंगणा बाहेर केसीआर यांची ही पहिलीच सभा असणार आहे. त्या अनुषंगाने नांदेडमध्ये जागेची पाहणी करण्यात आली आहे. दरम्यान तेलंगणाचे ४ आमदार नांदेडमध्ये तळ ठोकून असून त्यांनी नेत्यांच्या गाठीभेटी घेणे सुरू केले आहे. माजी खासदार डॉ. व्यंकटेश काब्दे यांची भेट घेऊन त्यांना बीआरएस मध्ये येण्याचे निमंत्रण दिले. नांदेडच्या सभेत अनेक नेते, माजी आमदार खासदार बीआरएस मध्ये प्रवेश करणार असल्याचा दावा तेलंगणाच्या आमदारांनी केला. राजकीय घडामोडींना वेग तेलंगणाच्या बाहेर मुख्यमंत्री केसी र यांची ही पहिलीच राजकीय सभा असणार आहे. त्यासाठी गेल्या काही दिवसांपासून तेलंगणा राज्यातील चार आमदार नांदेडमध्ये तळ ठोकून आहेत. आमदार जीवन रेड्डी, बलका सूमन , जोगु रमन्ना , हनुमंत शिंदे असे हे चार आमदार आहेत. नांदेडमधील सभा स्थळांची पाहणी त्यांच्याकडून सुरु आहे. बीआरएस पार्टी नांदेडमधील आगामी स्थानिक स्वराज्य संस्था तसेच येत्या विधानसभा निवडणुका लढणार असल्याचं या आमदारांनी सांगितलंय. नांदेड जिल्ह्यातील सीमावर्ती गावानी तेलंगणात येण्याची इच्छा व्यक्त केली असल्याबद्दल त्यांना विचारलं असता त्यांनी गावांनी तिकडं येण्याची गरज नाही, असं म्हटलं. तेलंगणातील सुविधा देण्यासाठी आम्हीच महाराष्ट्रात येणार आहोत असं उत्तर त्यांनी दिलंय.नंबर प्लेट नसलेल्या गाड्यांची चर्चातेलंगणा राज्यातील बीआरस या पक्षाचे चार आमदार मंगळवार रात्रीपासून नांदेडमध्ये मुक्कामी आहेत. मात्र हे आमदार आणि पक्षाचे लोक चक्क विना नंबरच्या आलिशान गाडीतून फिरतायत. शहरात त्यांच्या विना नंबरच्या गाड्या आणि त्यांचे बॉडीगार्ड पाहून लोक आश्चर्य व्यक्त करतायत. आपल्या देशात राष्ट्रपती आणि राज्यपाल यांच्या शिवाय कुणालाही विना नंबरच्या गाड्या वापरता येत नाही. पण तेलंगणातील या आमदारांचा नांदेडमधला हा प्रवास कसा कुणाच्याच लक्षात येत नाही, असा सवाल उपस्थित होत आहे.गेल्या काही दिवसांपासून नांदेडमधल्या राजकीय वातावरणात नव्या घडामोडी घडत आहेत. तेलंगणातील बीआरएस पार्टी नांदेडमधून महाराष्ट्रात प्रवेशाच्या तयारीत आहेत. त्यामुळे तेलंगणातील आमदार-नेत्यांच्या फेऱ्या नांदेडमध्ये वाढल्या आहेत. हे आमदार येत आहेत, मात्र त्यांच्या गाड्यांना नंबर प्लेटच नसल्याचं दिसून आलं आहे.. मोठ-मोठ्या आलिशान गाड्या घेऊन हे आमदार सर्रास नांदेडमध्ये फिरत आहेत. त्यांना कुणाची धास्ती आहे की नाही? नांदेडच्या आरटीओ अधिकाऱ्यांचं याकडे लक्ष आहे की नाही, असा सवाल जनतेतून विचारला जातोय. येत्या ५ फेब्रुवारी रोजी बीआरएस पार्टीची मोठी सभा नांदेडमध्ये होणार आहे. त्याच पार्श्वभूमीवर राजकीय घडामोडींनी वेग घेतला आहे. बिना नंबर प्लेटच्या गाड्यांकडे कुणी लक्ष देणार का, हा प्रश्न उपस्थित केला जातोय.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/RI0BwUt
No comments:
Post a Comment