मुंबई : मुंबई महापालिकेकडून आकारण्यात येणाऱ्या रंगभूमी करात मागील १३ वर्षांत वाढ झालेली नाही. त्यामुळे २०२४-२५ या आर्थिक वर्षासाठी यात वाढ करण्याचे विचाराधीन आहे. तसा प्रस्ताव पालिकेने तयार केला असून, तो अंतिम मंजुरीसाठी पालिका आयुक्तांकडे पाठवण्यात आला आहे. या प्रस्तावानुसार वातानुकूलित चित्रपटगृहांतील प्रत्येक खेळावरील कर ६०वरून २०० रुपये, तर विनावातानुकूलित चित्रपटगृहांसाठी प्रत्येक खेळावरील कर ४५वरून ९० रुपये होईल. तर नाटकांच्या प्रत्येक प्रयोगावरील २५ रुपये कर १०० रुपये होईल. हा प्रस्ताव मंजूर झाल्यास साहजीकच चित्रपट आणि नाटकांच्या तिकीट दरात वाढ होऊन रसिकांच्या खिशाला कात्री लागणार आहे.पालिकेकडून चित्रपटगृह, नाटक, सर्कस, आनंदमेळा आदींचे प्रयोग व खेळांवर आकारण्यात येतो. पालिकेच्या उत्पन्नामध्ये या कराचे स्वतंत्र दायित्व असल्याने तो स्वतंत्रपणे वसूल केला जातो. २०१०-११ या आर्थिक वर्षात रंगभूमी करात वाढ झाली होती. त्यानंतर २०१५-१६मध्ये पालिकेने करवाढीचा प्रस्ताव तयार करून तो राज्य शासनाच्या नगरविकास खात्याकडे पाठवला होता. ही वाढ साधारण १० टक्क्यांपर्यंत होती. मात्र अद्यापपर्यंत यावर निर्णय झाला नव्हता, अशी माहिती सूत्रांनी दिली.पालिका हद्दीत गेल्या १० ते १२ वर्षांपासून सिंगल स्क्रीनच्या तुलनेत अद्ययावत मल्टिप्लेक्स चित्रपटगृहांची संख्या वाढली आहे. यामध्ये एक ते आठ पडदे असलेल्या चित्रपटगृहांचा समावेश आहे. त्यांचे तिकीट दर २००पासून एक हजार ५५० रुपयांपर्यंत आहेत. वेळ, दिवस, ठिकाण आणि चित्रपटाच्या लोकप्रियतेनुसार ते बदलत असतात. वातानुकूलित नसलेल्या सिंगल स्क्रीन चित्रपटगृहांतील तिकिटांचे दर मल्टिप्लेक्सच्या तुलनेत कमी आहेत. सद्यस्थितीत मल्टिप्लेक्स चित्रपटगृहे आणि सिंगल स्क्रीन वातानुकूलित चित्रपटगृहे यांना सारख्याच दराने रंगभूमी कर आकारला जातो. दोन्ही चित्रपटगृहांचा तिकिटांचा दर पाहता सारख्याच दराने रंगभूमी कर आकारणे उचित वाटत नसल्याचे सूत्रांनी सांगितले. सध्या वातानुकूलित आणि विनावातानुकूलित सिंगल स्क्रीन चित्रपटगृहात तुलनेने कमी प्रयोग होतात. त्यांचे तिकीट दरही कमी आहेत. या चित्रपटगृहातील रंगभूमी करात याआधी कमी प्रमाणात वाढ करण्यात आलेली आहे. आनंदमेळा, सर्कस इत्यादी स्थानिक करमणुकीचे कार्यक्रम अस्तंगत होण्याच्या मार्गावर असल्याने त्यांना उत्तेजन देण्याच्या दृष्टीने त्यांवरील रंगभूमी करातही खूप कमी वाढ करण्यात आली आहे.सन २०२२-२३ या आर्थिक वर्षापासून ५०० चौरस फुटांपेक्षा कमी क्षेत्रफळाच्या निवासी मालमत्तांना मालमत्ता करातून संपूर्णत: करमाफी दिल्याने पालिकेच्या महसुलात घट झालेली दिसून येते. दरम्यानच्या काळात महागाई निर्देशांक आणि चित्रपटाच्या तिकीट दरांमध्ये झालेली वाढ लक्षात घेता पालिका रंगभूमी कर म्हणून नाममात्र शुल्क आकारते. आता या करात वाढ करण्याचा विचार आहे. अर्थात, महिन्याच्या पहिल्या पाच दिवसांत पूर्ण महिन्याच्या करभरणा केल्यास सलवत मिळणार आहे.करमणुकीचा प्रकार सध्याचे कर (प्रत्येक खेळामागे/रु.) प्रस्तावित दर (प्रत्येक खेळामागे/रु.) सवलतीचे दर (रु.)अद्ययावत मल्टिप्लेक्स - ४०० ३७६वातानुकूलित ६० २०० १८८विनावातानुकूलित ४५ ९० ८६.६०नाटक, तमाशा २५ १०० ९४सर्कस, आनंदमेळा ५० १०० ९४ (प्रतिदिन)इतर करमणूक ३ ७५ ७०.५०
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/bQBaLqE
No comments:
Post a Comment