, निलेश पाटील : कळगावमधील संतोष धनगर शेतामध्ये चरण्यासाठी घेवून गेले होते. सायंकाळी परतत असताना संतोष यांच्यसोबत मोठा अनर्थ घडला. जोगलखेडा ते कळगाव रस्त्यावरील पुलाचे काम करण्यासाठी खड्डा खोदला होता. तिथे साचलेल्या पाण्यात म्हशी गेल्या मात्र गाळात म्हशी अडकल्या. सर्व प्रकार पाहून संतोष धनगर म्हशींना काढण्यासाठी गेले पण पाण्यात बुडून धनगर यांचा मृत्यू झाला. कळगाव ते जोगलखेडा रस्त्यावरील पुलाच्या बांधकामासाठी केलेल्या खड्ड्यात बुडून संतोष धनगर( वयवर्ष ५५) यांचा मंगळवारी सायंकाळी मृत्यू झाला. दरम्यान ठेकेदाराच्या हलगर्जीपणामुळे काम अपूर्ण राहिल्याने ही घटना घडल्याचा संताप ग्रामस्थांनी व्यक्त केला. जोपर्यंत ठेकेदारावर गुन्हा दाखल होत नाही तोपर्यंत मृतदेह ताब्यात घेणार नाही. असा पवित्रा नातेवाईकांनी घेतला होता. यासंदर्भात नशिराबाद पोलीस ठाण्यात मृत्यूची नोंद करण्यात आली आहे. गेल्या काही वर्षापासून शेळगाव बॅरेजचे काम सुरू असल्याने बॅक वॉटरसाठी कडगाव ते जोगलखेडा रस्ता उंच करण्याचे काम शासनाने हाती घेतले आहे. मात्र काम एका ठेकेदाराला देण्यात आले आहे. रस्ता उंच करण्यासाठी रस्त्यावर एका ठिकाणी भला मोठा खड्डा दहा फूट खोल खोदण्यात आला आहे. गेल्या आठवड्याभरापासून सततच्या मुसळधार पावसामुळे खड्डा पाण्याने पूर्ण भरलेला आहे. संतोष धनगर आपल्या पत्नी आणि मुलासह राहत होते. शेतीकाम आणि पशुपालन करून ते घराचा उदरनिर्वाह करत होते. नेहमीप्रमाणे मंगळवारी २७ ऑगस्टला दुपारी म्हशी चरण्यासाठी गेले होते. त्यानंतर सायंकाळी परत येत असताना जोगलखेडा ते कडगाव रस्त्यावरील पुलाचे काम सुरु असलेल्या खड्ड्यात त्यांच्या म्हशी गेल्या. हे पाहून धनगर देखील म्हशींना बाहेर काढण्यासाठी गेले आणि त्यांचा पाण्यात बुडून मृत्यू झाला. ग्रामस्थांनी ये -जा करत असताना घटना लक्षात आली. तातडीने गावातील ग्रामस्थांनी एकत्र येऊन संतोष धनगर यांना खड्ड्याततील पाण्यातून बाहेर काढले. यावेळी संबंधित ठेकेदाराने काम अपूर्ण ठेवल्यामुळे एकच संताप व्यक्त केला होता. जोपर्यंत संबंधित ठेकेदारावर गुन्हा दाखल होत नाही. तोपर्यंत मृतदेह ताब्यात घेणार नाही असा नातेकवाईक आणि ग्रामस्थांनी पवित्र घेतला होता. दरम्यान रात्री अकरा वाजता मृतदेह शासकीय वैद्यकीय महाविद्यालयात दाखल करण्यात आला. तीन महिन्यापूर्वी संतोष धनगर यांचे नातेवाईक किरण धनगर यांनी ठेकेदाराला काम पूर्ण करण्याची सूचना दिली होती. परंतु ठेकेदाराने बिल न निघाल्यामुळे काम अपूर्ण आहे असे सांगितले. तसेच तुम्हाला जिथे तक्रार करायची तिथे जावून तक्रार करावी असा दम वजा धमकी दिली होती. त्यामुळे ठेकेदारावर मनुष्यवधाचा गुन्हा दाखल करण्याची मागणी नातेवाईकांसह गावातील ग्रामस्थांनी केली आहे.
from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/FCAxGiw
No comments:
Post a Comment