मुंबई: ''च्या आजच्या एपिसोडच्या सुरुवातीला सूरज नाराजी व्यक्त करतो की पॅडी कांबळे त्याच्यावर सर्वांसमोर ओरडले. अंकिता त्याला समजावण्याचा प्रयत्न करते, मात्र तो काही ऐकत नाही. पॅडी शेवटी त्याला सांगतात की ते आता त्याला कोणताही सल्ला देणार नाही, त्याने त्याला हवे तसे वागावे. दरम्यान अभिजीत आणि संग्राम यांना दुखापत झाल्याने, त्यांनी डॉक्टरांच्या सल्ल्यानुसार घरातील ड्युटी करू नये असा आदेश बिग बॉस देतात. कॅप्टन निश्चित करण्यासाठी बिग बॉस एक वेगळाच टास्क जाहीर करतात. प्राण्यांची तहान भागवून जंगल करन्सी कमावण्याचा हा टास्क असतो. धनंजय, वर्षा, सूरज आणि अरबाज असे स्पर्धक कॅप्टन्सीच्या रेसमध्ये होते. या स्पर्धकांकडे पाण्याची एक-एक टाकी दिली जाते आणि इतर स्पर्धकांना त्यांच्याकडचे पाणी विकत घेऊन प्यायचे असते. कॅप्टन्सी रेसमध्ये नसणाऱ्या स्पर्धकांपैकी जो सर्वात आधी बझर वाजवेल, त्याच्याकडे उमेदवाराकडील पाण्याचा दर निश्चित करण्याचा अधिकार असेल. पहिल्याच फेरीत निक्की बझर वाजवते आणि ती अरबाजच्या पाण्याच्या एका ग्लासचा दर ५०० जंगल करन्सी, वर्षा यांच्याकडील पाण्याच्या ग्लासचा दर ३०० जंगल करन्सी, सूरजकडील पाण्याच्या ग्लासचा दर २०० जंगल करन्सी आणि डीपीकडील पाण्याच्या ग्लासचा दर १०० जंगल करन्सी असा निश्चित करते. पहिल्या फेरीत शुन्य ग्लास विकले गेल्याने सूरज या स्पर्धेतून बाहेर पडतो. अरबाज सर्वाधिक ४००० जंगल करन्सी जिंकतो. दुसऱ्या फेरीत ही करन्सी रद्द केली जाते आणि ५०० जंगल करन्सी ही किंमतही रद्द केली जाते. दुसऱ्या फेरीत ३००, २००, १०० अशा तीन जंगल करन्सी निश्चित केल्या जातात. दुसऱ्या फेरीतही निक्की बझर वाजवते आणि अरबाजकडील पाण्याच्या ग्लासची किंमत सर्वाधिक निश्चित करते. त्या फेरीत जान्हवी-निक्की या दोघी मिळून अरबाज आणि वर्षा यांच्याकडील सर्वाधिक ग्लास विकत घेतात आणि डीपीला बाहेर काढतात. डीपीकडील ग्लासची किंमत केवळ १०० असल्याने पॅडी-अंकिता मिळून १५ ग्लास पाणी पिऊनही त्यांच्याकडील जंगल करन्सी कमी पडते.
अरबाज ठरला नवा कॅप्टन
वर्षा यांनी अरबाज-निक्कीची साथ दिल्याने बी टीम ठरवते की वर्षा यांच्याकडील पाणी अजिबात खरेदी न करता त्यांना हरवायचे. डीपी, अंकिता आणि पॅडी सगळेच वर्षा यांच्यावर भडकलेले असतात. ते वर्षा यांच्यासोबत चर्चा करतात, मात्र त्यांच्या एकमेकांबद्दल खूप तक्रारी असतात. वर्षा यांची तक्रार असते की बी टीमने त्यांना कधी आपलेसे केले नाही. निक्की आणि अरबाज त्यांना टास्क अधिक चांगलं समजावतात, असे त्यांचे मत असते. दरम्यान कॅप्टन्सी कार्याअंती अरबाज पटेल घराचा नवा कॅप्टन ठरतो. अरबाज कॅप्टन झाल्याच्या पहिल्याच सकाळी भांडी घासण्यावरुन वाद होतो. त्यानंतर आजच्या एपिसोडच्या शेवटी जोड्यांमध्ये एक टास्क पार पडतो. जोडीतील महिला स्पर्धक त्यांना चिठ्ठ्यांमध्ये दिलेल्या फ्लेवरबद्दल अभिनय करेल, तर पुरुष स्पर्धक स्विमिंग पूलमधून त्या फ्लेवरची वस्तू आणेल. सर्वात कमी वेळात ३ फ्लेवर आणणाऱ्या जोडीतील प्रत्येक स्पर्धकाला २५ हजार रुपये बक्षीस मिळतील असा टास्क असतो. या मजेशीर खेळात पॅडी आणि अंकिता जिंकतात.'अभिलाषा'ची एन्ट्री
त्यानंतर बिग बॉसच्या मजेशीर आदेशानुसार घरातील मुली अभिजीत सावंतला मेकअप करतात, साडी नेसवतात आणि त्याचा नट्टापट्टा करतात. तो 'चंद्रा' आणि 'फेव्हिकॉल' गाण्यावर धमाकेदार डान्सही करतो. अभिजीतला बिग बॉस असे नाव ठेवतात की, 'नवीन वाइल्ड कार्ड एन्ट्री - अभिलाषा सावंत.' अभिजीतच्या परफॉर्मन्सने आजचा एपिसोड गाजवला असे म्हटले तरी वावगे ठरणार नाही.या डान्स परफॉर्मन्समध्ये एक राडाही होतो. कॅमेऱ्यासमोर नाचताना अभिजीत झाकला जाऊ नये म्हणून पॅडी आणि जान्हवी सूरजला बाजूला व्हायला सांगतात, तर यावरुन सूरजला राग येतो. त्याचं म्हणणं असतं की जर तो कुठे नाचत असेल तर त्याला कोणी बाजूला करू नये. अंकिता त्याला सांगण्याचा प्रयत्न करते पण त्याच्या रागाचा पारा चढलेला असतो. अंकिताला सूरजचं वागणं पटत नाही आणि ती चिडून निघून जाते. अभिजीत तेव्हा सूरजला शांतपणे समजावतो. अंकिता पॅडी दादांना जाऊन सांगते की, जर तो कुठे चुकत असेल तर त्याला त्याबद्दल सांगणे गरजेचे आहे आणि बाकीचे लोक त्याचे विनाकारण लाड करत आहेत. निक्कीचं म्हणणं असतं की बी टीममधील सदस्य त्याला बोलू देत नाहीत.from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/qFmXdP9
No comments:
Post a Comment