मुंबई-८० च्या दशकात एकामागून एक हिट चित्रपट देऊन गोविंदांमुळे त्याकाळच्या नायकांच्या करिअरला धोका धोका निर्माण केला होता. यांनी ॲक्शनपासून कॉमेडीपर्यंत सर्व प्रकारच्या चित्रपटांमध्ये काम केले आहे. आज गोविंदा त्यांचा ६१ वा वाढदिवस साजरा करत आहे. गोविंदांचे वैयक्तिक आयुष्यही खूपच फिल्मी होते. एकेकाळी त्यांचे नाव अभिनेत्री नीलमसोबतही जोडले गेले होते. तसेच गोविंदा यांनी नीलमसाठी त्यांचा साखरपुडाही तोडल्याचे बोलले जाते.नीलम एकदा मुंबईला भेटायला आली होती, त्यावेळी दिग्दर्शक रमेश बहलने तिला पाहिले आणि एका चित्रपटासाठी तिच्याशी संपर्क साधला. नीलमने १९८४ मध्ये 'जवानी' चित्रपटातून पदार्पण केले होते. या चित्रपटात तिच्यासोबत करण शाह होता. हा चित्रपट फ्लॉप झाला पण नीलमच्या सौंदर्याचे आणि अभिनयाचे त्यावेळी खूप कौतुक झाले. यानंतर तिला अनेक चांगल्या ऑफर्स आल्या. नीलमने आमिर खान आणि सलमान खानसोबतही काम केले होते. तिने गोविंदासोबत १० सिनेमांमध्ये काम केलेले त्यापैकी ६ हिट ठरले. २००१ मध्ये प्रदर्शित झालेला 'कसम' हा त्यांचा एकत्रित असा शेवटचा चित्रपट होता. नीलमचे गोविंदा यांच्यासोबत बरेच दिवस अफेअर होते. गोविंदाही त्यावेळी नवीन होते. नीलमला भेटल्यावर ते तिच्या प्रेमात पडले.त्यादरम्यान गोविंदा सुनीतालाही डेट करत होते. सुनीता आणि गोविंदा यांच्यामध्ये नीलममुळे खूप भांडणं व्हायची. नीलमसाठी गोविंदाने सुनीतासोबतचा साखरपुडा मोडलेला कारण त्यांना नीलम यांच्याशी लग्न करायचे होते. पण गोविंदाच्या आईचे म्हणणे होते की आता जर त्यांनी सुनीताला लग्नाचे वचन दिले आहे तर त्यांनी तो पूर्ण केलाच पाहिजे.एका मुलाखतीत गोविंदा म्हणाले होते की, 'नीलमसोबत माझी पहिली भेट पन्नालाल मेहरा यांच्या ऑफिसमध्ये झाली होती. तिने मला हॅलो केले. मला इंग्रजी येत नसल्यामुळे मी तिच्याशी बोलण्यास संकोच करू लागलो. सेटवर मी तिच्याशी कसं बोलणार याचीही मला काळजी वाटत होती. मला नीलमबद्दल शक्य तितकं जाणून घ्यायचं होतं. नाव आणि प्रसिद्धी मिळवूनही ती इतकी दयाळू असू शकते यावर माझा विश्वासच बसत नव्हता.ते पुढे म्हणाले, 'मी घरीही नीलमबद्दल बोलायचो. सुनीतासोबत रिलेशनशिपमध्ये आल्यानंतरही मी तिला नीलमसारखं व्हायला सांगायचो. मी सुनीताला म्हणायचो की तू नीलमकडून शिक. यामुळे सुनीता अस्वस्थ व्हायची. एके दिवशी सुनीता नीलमबद्दल काहीतरी बोलली, त्यामुळे मी एवढा चिडलो की मी सुनीतासोबतचा साखरपुडा मोडला. माझ्या वडिलांचीही इच्छा होती की मी नीलमशी लग्न करावे कारण त्यांना ती खूप आवडत होती. पण मी सुनीताला दिलेला शब्द मी पाळावा असे माझ्या आईला वाटत होते.गोविंदा यांनी ११ मार्च १९८७ रोजी सुनीतासोबत लग्न केले होते. मात्र त्यानंतरही नीलम अनेक वर्षे कुमारीच राहिली. २०११ मध्ये नीलमने अभिनेता समीर सोनीसोबत लग्न केले.
from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/6GK9UYF
No comments:
Post a Comment