लेकरांसाठी जेवण केलं ते अखेरचं; शवागारात बॉडीच्या पायातील जोडवे पाहून पती ढसाढसा रडला https://ift.tt/sk9AbUQ

जयपूर: जयपूरमध्ये भीषण आगीत १४ जणांचा मृत्यू झाला आहे. या भीषण दुर्घटनेत मृतांपैकी अनेकांच्या मृतदेहाचा अक्षरश: कोळसा झाला आहे. त्यांची ओळखही होणे कठीण होऊन बसलं आहे. त्यामुळे सरकारने मृतदेहांची ओळख पटविण्यासाठी डीएनए चाचणी करण्याचा निर्णय घेतला आहे.या भीषण अपघातात आतापर्यंत १४ जणांचा मृत्यू झाला असून २८ जण ८० टक्क्यांहून अधिक भाजले आहेत. तर ३० जणांची प्रकृती चिंताजनक असल्याची माहिती आहे. मृत्यू झालेल्यांमध्ये राजस्थान पोलीस कॉन्स्टेबल अनिता मीना यांचाही समावेश आहे. त्या आपल्या दोन लहान मुलांसाठी सकाळचे जेवण बनवून दुदू येथून स्लीपर बसमधून जयपूरला ड्युटीसाठी निघाल्या होत्या.

जोडव्यांवरून मृतदेहाची ओळख पटली

हे अनिता यांचे अखेरचे क्षण असतील याची कोणी कल्पनाही केली नसेल. या आग्नितांडवात अनेक कुटुंबं उद्ध्वस्त झाली आहेत. त्यापैकीच अनिता या होत्या. अनिता या रोशनपुरा बनेडिया मौजमाबाद येथील रहिवासी होत्या. त्य शुक्रवारी सकाळी ड्युटीसाठी स्लीपर बसमधून दुदूहून चैनपुरा येथे जात होत्या. त्यानंतर या दुर्घटनेत त्यांचा मृत्यू झाला. अनिता या त्यांच्या कुटुंबातील एकमेक कमवत्या होत्या, त्यांच्या जाण्याने कुटुंबाचा आधार गेला आहे. अपघातानंतर रात्री ३ वाजता पती कन्हैयालाल मीणा हे अनिताच्या शोधात एसएमएस हॉस्पिटलमध्ये पोहोचले. जखमींच्या यादीत अनिताचे नाव नसल्याची माहिती रुग्णालयातील कर्मचाऱ्यांनी दिली. हे ऐकल्यानंतरही त्यांना विश्वास बसला नाही, त्यांनी अनिताचा शोध सुरुच ठेवला जो शवागारात जाऊन थांबला. जेव्हा ते शवागारात पोहोचले तेव्हा तिथे एक मृतदेह पाहून तो त्यांनी तीव्र आक्रोश केला. कारण, मृतदेहाच्या नावावर अनिताचे फक्त अर्धे शरीर आणि पाय उरले होते. तिच्या पायात असलेल्या जोडव्यांवरुन कन्हैयालाल यांनी आपल्या पत्नीची ओळख पटवली.कन्हैयालाल मीणा यांनी सांगितले की, अपघाताची माहिती मिळाल्यानंतर अनिताच्या शोधासाठी एसएमएस रुग्णालयात आले. जिथे अनिताचा काहीही पत्ता लागत नव्हता. घाबरत घाबरत त्यांनी शवागार गाठलं. तिथे डोक्यापासून पायापर्यंत जळालेल्या महिलेचा मृतदेह दिसला. जेव्हा त्यांची नजर पायात घातलेल्या जोडव्यांवर पडली तेव्हा त्यांनी हंबरडाच फोडला कारण तो मृतदेह त्यांच्या पत्नी अनिता यांचा होता. अनिताला दोन लहान मुलं आहेत.शनिवार २० डिसेंबरला रोजी जयपूर-अजमेर महामार्गावर सकाळी ६ वाजता एलपीजी टँकर आणि ट्रक यांच्यात झालेल्या भीषण धडकेनंतर मोठा स्फोट झाला होता. स्फोटानंतर आगीच्या मोठ्या ज्वाळा उठल्या. या दुर्घटनेत आसपासची ४० वाहनं जळली. या अपघाताचे अनेक भयानक व्हिडिओही समोर आले होते, ज्यात जिवंत जळालेल्या लोकांचे भयानक परिस्थितीतील मृतदेह दिसत होते.

from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/XdrcpnZ