मुंबई : केंद्रीय रस्ते वाहतूक आणि महामार्ग मंत्री नितीन गडकरी यांनी संसदेच्या मागील हिवाळी अधिवेशनात रस्ते अपघात कमी न झाल्याबद्दल लोकसभेतून देशवासियांची माफी मागीतली होती. तर आता अपघात कमी करण्यासाठी सर्वांच्या सहकार्याची गरज असल्याचे गडकरींनी बोलून दाखवले. काही दिवसांपूर्वीच गडकरींनी रस्ते अपघातग्रस्त लोकांसाठी कॅशलेस उपचार योजनाही जाहीर केली. यासोबतच त्यांनी जखमींना मदत करणाऱ्यांनाही २५ हजार रुपयांचे बक्षीस देणार असल्याचेही जाहीर केले. पण नितीन गडकरींचे गृहराज्यातच रस्ते अपघाताची मालिका मात्र कायम आहे. रस्ते अपघातात जीव गमावणाऱ्यांची आकडेवारी समोर आली आहे.
रस्ते म्हणजे मृत्यूचा सापळा? आकडेवारी काय सांगते?
महाराष्ट्रात गेल्या तीन वर्षांपासून आतापर्यंत एकूण ९५ हजार १५० रस्ते अपघात झाले आहेत, ज्यामध्ये ४१ हजार ६१२ लोकांनी आपला जीव गमवावा लागला आहे. समोर आलेल्या आकडेवारीनुसार, राज्यात रस्ते अपघातांची मालिका सुरुच आहे. गेल्या तीन वर्षांत म्हणजे २०२२ ते २०२४ या कालावधीत राज्यात एकूण ४१ हजार ६१२ लोकांचा मृत्यू झाला आहे. म्हणजे अपघातातील मृत्यूचे प्रमाण सुमारे ४३.७३ टक्के इतके आहे. जी चिंताजनक बाब आहे. ही आकडेवारी राज्य परिवहन विभागाने (आरटीओ) दिलेल्या माहितीनुसार मांडली आहे. यातच जर मुंबईबद्दल बोलायचे झाले, तर गेल्यावर्षी जानेवारी ते नोव्हेंबर दरम्यान, मुंबई आणि उपनगरीय क्षेत्रात (एमएमआर) ४ हजार ९३५ रस्ते अपघात झाले. यामधील २ हजार ३१९ रस्ते अपघाताचा नोंद केवळ मुंबईत झाली आहे. मुंबई महानगर प्रदेशात (एमएमआर) अपघातांमुळे १ हजार १०८ जण मृत्यूमुखी पडले. तर याच कालावधीत राज्यात ३२ हजार ८०१ रस्ते अपघातांची नोंद झाली आहे, ज्यामध्ये १३ हजार ८२३ लोकांचा मृत्यू झाला आहे.दरम्यान, वाढते रस्ते अपघात रोखण्यासाठी मुंबईसह संपूर्ण महाराष्ट्रात रडारवर आधारित इंटरसेप्टर वाहने तैनात करण्यात येत आहेत . जे प्रति तास १ हजार ई-चलान पाठवू शकतात, ते चालू होतील. ही वाहने सुरू झाल्यानंतर येत्या १५ ते ३० दिवसांत राज्यभरातील मृत्यूचे प्रमाण कमी होण्याची शक्यता आहे. राज्यातील ६४ टक्के मृत्यू हे दुचाकीवर स्वार असणाऱ्या मागे बसलेल्या लोकांचेच होतात असे आकडेवारीवरून समोर आले आहे. त्यापैकी ८० टक्के प्रकरणात विना हेल्मेटचे मृतदेह आढळलेले आहेत.from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/8xfhSRH
No comments:
Post a Comment