नवी दिल्ली : पंतप्रधान नरेंद्र मोदी यांच्या नावाने अनेक खोट्या गोष्टी व्हायरल होत असतात. असाच एक दावा व्हायरस होत आहे. यात पंतप्रधान नरेंद्र मोदींचा राजवाडा असल्याचा दावा करणारा एक फेक फोटो सोशल मीडियावर व्हायरल होत आहे. फोटोमध्ये पंतप्रधान मोदी आलिशान घड्याळ घातलेले दिसत आहेत, तर त्यांच्या मागे शोकेसमध्ये अनेक आलिशान वस्तू ठेवण्यात आल्या आहेत. अशी पोस्ट सध्या सोशल मीडियावर व्हायरल होत आहे. आम आदमी पार्टीचे (आप) समर्थक हा दावा करत आहेत, की हा पंतप्रधानांच्या निवासस्थानाचा फोटो आहे, जेथे अशा अनेक लक्झरी वस्तू आहेत. मात्र बूमने केलेल्या तपासात हा व्हायरल फोटो कृत्रिम बुद्धिमत्ता अर्थात AI च्या मदतीने तयार केला गेला आहे. दिल्ली विधानसभा निवडणुकीच्या प्रचारादरम्यान आम आदमी पार्टी (आप) आणि भाजपमध्ये आरोपप्रत्यारोप सुरू आहेत. एकीकडे भाजप अरविंद केजरीवाल यांना शीशमहलवरुन लक्ष्य करत आहे. तर दुसरीकडे आप नेत्यांनी पंतप्रधानांच्या निवासस्थानी २७०० कोटी रुपये खर्च करून महाल बांधल्याचा आरोप केला आहे.सोशल मीडिया प्लॅटफॉर्म एक्सवर आप समर्थक @AAPkaRamGupta ने एक फोटो शेअर केला आहे. त्या पोस्टमध्ये लिहिलंय, 'हा फोटो पंतप्रधानांच्या निवासस्थानी काम करणाऱ्या एका कर्मचाऱ्याने गुपचूप पाठवला आहे, @ArvindKejriwal यांनी बांधलेल्या शाळेत आपल्या मुलांना शिकायला पाठवतो. आज दुपारी ३ वाजता हे घड्याळ घालून गुपचूप फोटो काढला आणि सांगण्यात आलं, की राजवाड्यात महागडे लक्झरी सूट, शूज, चष्मा, पेन आणि इतर लक्झरी वस्तूंसाठी स्वतंत्र खोल्या आहेत. २७०० कोटी खर्च केल्यानंतर काय असू नये.'. आणखी एका एक्स युजरने आणि आप समर्थकाने @harishprasad81 ने व्हायरल फोटो पोस्ट करत लिहिलंय, चला दुपारचे ३ वाजले आहेत, हे घड्याळ घालण्याचा वेळ झाला आहे..
काय आहे फोटोचं सत्य?
व्हायरल फोटोच्या संबंधित कीवर्ड सर्च केल्यानंतर बूमला गुगलवर यासंबंधी कोणतेही रिपोर्ट आढळले नाहीत. त्यानंतर फोटो अतिशय लक्षपूर्वक पाहिल्यानंतर असं लक्षात येतं, की फोटोच्या उजव्या कोपऱ्यात Grok AI हा वॉटरमार्क दिसतो. यावरुन फोटो एआयद्वारे तयार केल्याचं लक्षात येतं. व्हायरल फोटोमध्ये काही विसंगती देखील दिसल्या, पंतप्रधान मोदींच्या चष्म्याची फ्रेम पूर्ण नाही आणि त्यांच्या हाताच्या बोटांमध्ये विकृती देखील दिसत आहे.बूमने हा फोटो एआय डिटेक्टर टूल Hive Moderation वर व्हायरल फोटोचा तपास केला. त्यात पंतप्रधानांचा व्हायरल फोटो एआयने बनवला असल्याची शक्यता ९८.५ टक्के असल्याचं सांगण्यात आलं.निष्कर्ष
पंतप्रधान मोदींच्या लक्झरी घड्याळ घालून व्हायरल झालेला फोटो एआयद्वारे तयार करण्यात आल्याचं तपासात समोर आलं आहे. फोटोवर Grok AI असा वॉटरमार्क देखील आढळला आहे.(This story was originally published by The , and republished by MT as part of the Shakti Collective.)from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/J6GavEf
No comments:
Post a Comment