मुंबई : अमेरिकेतील राजकीय अस्थिरता जवळपास संपुष्टात आली आहे. देशात करोना लसीकरण सुरु आहे. त्यामुळे केवळ बजेटवर लक्ष केंद्रीत केलेल्या गुंतवणूकदारांनी काही प्रमाणात नफावसुलीची संधी घेतल्याचे शेअर दलालांचे म्हणणे आहे. आज सलग तिसऱ्या सत्रात आणि निफ्टीतील तेजीला ब्रेक लागला आहे. सध्या सेन्सेक्स ४०० अंकांनी कोसळला असून यात बँका, रिलायन्स, फार्मा शेअरवर विक्रीचा दबाव आहे. सकाळपासून आज बाजारात विक्रीचा मारा सुरु आहे. सेन्सेक्स मंचावरील ३० पैकी २० शेअरच्या किमतीत सकाळी घसरण झाली. ज्यात महिंद्रा अँड महिंद्रा, एचडीएफसी बँक, एनटीपीसी, टायटन, नेस्ले, इन्फोसिस, एसबीआय, टीसीएस, मारुती, ओएनजीसी, रिलायन्स इंडस्ट्रीज, डॉ. रेड्डीज लॅब, एशियन पेंट्स, बजाज ऑटो या शेअरमध्ये घसरण झाली आहे. एल अँड टी, टेक महिंद्रा, एचसीएल टेक, कोटक महिंद्रा बँक, एचयूएल, बजाज फायनान्स, ऍक्सिस बँक हे शेअर सध्या तेजीत आहेत. सध्या सेन्सेक्स ४४४ अंकांनी घसरला असून ४७९०३ अंकावर ट्रेड करत आहे. निफ्टी ११५ अंकांनी घसरला असून तो १४१२६ अंकावर आहे. यात गुंतवणूकदारांचे किमान एक लाख कोटींचे नुकसान झाले आहे. हेही वाचा : आज पुन्हा रिलायन्स इंडस्ट्रीजच्या शेअरमध्ये ३.६९ टक्के घसरण () झाली आहे. सध्या रिलायन्सचा शेअर ३९ रुपयांच्या घसरणीसह १०३७ रुपयांवर आहे. तर फ्युचर रिटेलच्या शेअरमध्ये ४.५० टक्के घसरण झाली आहे. फ्युचर रिटेलचा शेअर ७७.५५ रुपयांवर आहे. सोमवारी रिलायन्स इंडस्ट्रीजच्या शेअरमध्ये ५ टक्के घसरण झाली होती. दरम्यान, बड्या कंपन्यांच्या तिमाही निकालांनी निराश झालेल्या गुंतवणूकदारांनी आशियातील प्रमुख भांडवली बाजारातून गुंतवणूक काढण्यास सुरुवात केली आहे. सिंगापूर एक्सचेंजचा एसजीएक्स निफ्टी १०६ अंकांनी घसरला आहे. तर हँगसेंग, शांघाई कम्पोझिट इंडेक्समध्ये घसरण झाली आहे. गेल्या दोन महिन्यातील निर्देशांकांमधील मोठी घसरण आहे. फेडरल रिझर्व्हच्या बैठकीच्या पार्श्वभूमीवर मंगळवारी अमेरिकेतील शेअर बाजारात घसरण झाली होती. डाउजोन्स, 'एस अँड पी ५००' , नॅसडॅक या शेअर निर्देशांकात घसरण झाली. मागील आठवड्याच्या शेवटच्या दोन सत्रात नफा वसुली झाल्याने आणि निफ्टी या दोन्ही निर्देशांकांत घसरण झाली. मेटल आणि वित्तीय शेअर्सच्या विक्रीने बाजाराने घसरण अनुभवली. शुक्रवारी निफ्टी २१८.४५ अंकांनी खाली घसरला व १४४९९ पातळीच्या खाली १४,३७१.९० अंकांवर स्थिरावला. एसअँडपी बीएसई सेन्सेक्स ७४६.२२ अंकांनी घटून ४८८७८.५४ अंकांवर स्थिरावला होता. तर सोमवारी सेन्सेक्समध्ये ५३० अंकांची घसरण झाली होती.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3pziY0Q
No comments:
Post a Comment