गोपालगंज: बिहारमधील येथे क्रिकेट खेळताना वाद झाल्यानंतर तरुणाला गोळ्या घातल्या. यात तरुण गंभीर जखमी झाला आहे. तरुणाला गोपालगंज येथील जिल्हा रुग्णालयात दाखल करण्यात आले. तेथून तरुणाला पुढील उपचारासाठी गोरखपूर येथील रुग्णालयात नेण्यात आले. नगर पोलीस ठाण्याच्या हद्दीतील बनकट गावात ही घटना घडली. मोहम्मद सलीम असे गोळीबारात जखमी झालेल्या तरुणाचे नाव आहे. तो रविवारी आपल्या मित्रांसोबत बनकटमध्ये क्रिकेट खेळत होता. सामना सुरू असताना दोन गटांमध्ये अचानक वाद सुरू झाला. यानंतर तकिया याकूब गावातील एका तरुणाने सलीमला जवळून गोळ्या घातल्या. यात सलीम जखमी झाला. त्याला तात्काळ गोपालगंज येथील रुग्णालयात दाखल करण्यात आले. तेथून गोरखपूरच्या रुग्णालयात नेण्यात आले. पोलिसांनी दिलेल्या माहितीनुसार, पीडित तरुणाच्या कुटुंबीयांचे जबाब नोंदवून घेतल्यानंतर या प्रकरणात पुढील कारवाई करण्यात येणार आहे. पीडित तरुणासोबत क्रिकेट खेळणाऱ्या वसीमने सांगितले की, गावातीलच तरुणाने त्याला गोळ्या घातल्या. सलीमच्या पोटात गोळी लागली आहे. गावातील अफरोज नावाच्या तरुणाने गोळी घातली आहे. त्या सर्व तरुणांकडे हत्यारे होती. दरम्यान, पोलिसांनी पीडित तरुणाच्या जबाबाच्या आधारे तपास सुरू केला आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/39qLITM
No comments:
Post a Comment