म. टा. विशेष प्रतिनिधी, मुंबई ' यांच्या हत्येचा कट ज्या बैठकीत रचण्यात आला, त्या बैठकीला निलंबित पोलिस अधिकारी व माजी पोलिस कॉन्स्टेबल हे दोघेही उपस्थित होते. हत्येचा कट रचणाऱ्याशी वाझे यांनी मोबाइलवर संपर्क साधला होता. या हत्येच्या मागे कारण काय होते आणि नेमका कट काय होता, याचा छडा लावण्यासाठी आम्ही तपासात अगदी जवळ पोचलो आहोत,' असा दावा राष्ट्रीय तपास संस्थेने (एनआयए) मंगळवारी मुंबईतील विशेष एनआयए न्यायालयात केला. त्यानंतर विशेष न्यायाधीश प्रशांत सित्रे यांनी मनसुख हत्या प्रकरणात आरोपी विनायक शिंदे व क्रिकेट बुकी नरेश गोर यांच्या एनआयए कोठडीत ७ एप्रिलपर्यंत वाढ केली. या प्रकरणाचा पूर्वी तपास करणाऱ्या एटीएसने शिंदे व गोर यांना अटक केली होती. ठाणे न्यायालयाच्या आदेशाप्रमाणे 'एटीएस'ने तपास 'एनआयए'कडे दिला. तसेच, न्यायालयाच्या आदेशाप्रमाणे शिंदे व गोर यांची कोठडीही 'एनआयए'ला मिळाली होती. कोठडीची मुदत संपत असल्याने या दोघांना मंगळवारी न्यायालयात हजर करण्यात आले होते. त्या वेळी 'एनआयए'तर्फे विशेष सरकारी वकील सुनील गोन्साल्विस यांनी न्यायालयाला महत्त्वाची माहिती दिली. 'तपासादरम्यान तपास पथकाला एक कागद सापडला. त्यात १४ मोबाइल क्रमांक होते. त्यातील पाच क्रमांक हे वाझे यांच्यासाठी होते. त्यातील एकावरून वाझे हे कट रचणाऱ्या मूळ कारस्थान्याशी संपर्क साधत होते. शिंदे व गोर या दोघांकडून सात सिम कार्ड, काही मोबाइल व सीपीयू जप्त केला आहे. या साऱ्यांच्या वापराविषयी दोघांची कसून चौकशी करायची आहे. मनसुख यांच्या हत्येमागील कारण व नेमका कट याच्यापर्यंत तपास पथक पोहोचण्याच्या अगदी जवळ आहे,' असे गोन्साल्विस यांनी सांगितले. तर 'सिम कार्ड पुरवण्याव्यतिरिक्त शिंदेचा काहीच संबंध नाही. मनसुख यांच्या हत्येशीही त्यांचा संबंध नाही. त्यामुळे मागील नऊ दिवसांपासून कोठडीत असलेल्या शिंदे यांची कोठडी आणखी वाढवू नये,' असा युक्तिवाद शिंदेंतर्फे अॅड. गौतम जैन यांनी केला; तर गोरतर्फे अॅड. आफताब डायमंडवाले यांनीही तसाच युक्तिवाद केला. अखेरीस सर्व बाजू तपासल्यानंतर न्यायाधीशांनी दोघांच्या कोठडीत वाढ केली. वाझे यांची एनआयए कोठडी ३ एप्रिलपर्यंत आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3m6Roap
No comments:
Post a Comment