मुंबई : महाराष्ट्र सरकारने स्टँप ड्युटी कपातची घोषणा ही राज्यातील रिअल इस्टेट क्षेत्राच्या पुनरुज्जीवनात गेम चेंजर असल्याचे सिद्ध झाले आहे. या कपातीचा परिणाम म्हणजे मुंबईत रेकॉर्ड रेजिस्ट्रेशन्स त्वरित वाढले जे लक्षणीय होते तर पुण्याच्या प्रॉपर्टी मार्केट मध्येही वाढ दिसू लागली ज्यामुळे गेल्या काही तिमाहीत रिअल इस्टेट विक्रीत वाढ झाली. नरेडको महाराष्ट्रचे अध्यक्ष अशोक मोहनानी यांनी म्हटले की, "अलिकडच्या काळात महाराष्ट्र सरकारने जाहीर केलेल्या उपाययोजनांच्या पार्श्वभूमीवर शहराचे स्थावर मालमत्ता क्षेत्रात तेजी परतली आहे. मुद्रांक शुल्काचा लाभ घेण्यासाठी शेवटचे काही दिवस शिल्लक असताना, घर विकत घेण्याची ही सर्वोत्तम वेळ आहे कारण यामुळे घर खरेदीदारांना कमी स्टँप ड्यूटी तसेच सर्वात कमी व्याजदरासह त्यांचे स्वप्नवत करण्याची संधी मिळेल. रिअल इस्टेट उद्योगाच्या वतीने आम्ही सरकारला विनंती करतो की मुद्रांक शुल्क कपात ही आणखी दोन तिमाहीसाठी वाढवावी जेणेकरून आम्ही घर खरेदीदारांना त्यांच्या स्वप्नातील घरांमध्ये गुंतवणूक करण्यास प्रोत्साहित करू शकू." प्रॉपर्टी रेजिस्ट्रेशन्सचा अंदाज लावताना, दि गार्डियन्स रिअल इस्टेट अॅडव्हायझरीचे कार्यकारी संचालक राम नाईक म्हणाले, “डिसेंबर २०२० मध्ये मिळालेल्या प्रतिसादाप्रमाणेच मार्चच्या शेवटच्या काही दिवसांत प्रॉपर्टी रेजिस्ट्रेशन्स प्रचंड प्रमाणात वाढणार आहेत कारण घर खरेदीदारांना ३१ मार्च पर्यंतच ३ टक्के मुद्रांक शुल्काचा लाभ घेता येईल. हा महिना १० हजार ते १४५०० नोंदणी होतील, अशी अपेक्षा त्यांनी व्यक्त केली. जे घर खरेदीदार घर खरेदीच्या आशेत बसले होते ते आपला व्यवहार लवकरच पूर्ण करतील असा अंदाज विकासकांनी व्यक्त केला आहे. एप्रिल २०२१ नंतर बाजारात अॅफोर्डेबल हौसिंगला चालना मिळण्याची शक्यता आहे. विक्री वाढीस कारणीभूत ठरणाऱ्या घटकांविषयी माहिती देताना क्रेडाई एमसीएचआयचे सचिव आणि त्रिधातु रियल्टी सह-संस्थापक आणि संचालक प्रीतम चिवूकुला म्हणाले, "महाराष्ट्र सरकारच्या मुद्रांक शुल्क कपातीचा लाभ घेण्यासाठी उरलेले काही दिवस तसेच मर्यादित कालावधीसाठी अग्रगण्य बँकांकडून गृह कर्जाच्या व्याजदरात कपात या दोन्ही गोष्टींमुळे घर खरेदीदारांसाठी उत्तम खरेदीची संधी वाढली आहे. रिअल इस्टेट मार्केटमध्ये विक्रीत लक्षणीय वाढ तसेच मालमत्ता नोंदणीत वाढ होण्याची अपेक्षा आहे कारण घर खरेदीदारांसाठी घर खरेदी करण्याचा हा उत्तम काळ आहे. पुढील काही दिवस खरेदीदार सर्वात कमी व्याजदर, स्टॅम्प ड्युटीमध्ये सवलत, विशेष ऑफर्स आणि चांगल्या विकसकांकडून निवडीची उपलब्धता या पार्श्वभूमीवर चांगल्या सौद्यांसह घर खरेदी करू शकतात." नुकत्याच सादर करण्यात आलेल्या २०२१-२२ च्या अर्थसंकल्पात महाराष्ट्र सरकारनेही मालमत्ता हस्तांतरित केल्यास किंवा विक्री कर नोंदणीकृत नोंदणी महिलेच्या नावे असल्यास मुद्रांक शुल्कात एक टक्का सवलत देण्याची घोषणा केली होती. या सर्व कारणांमुळे घर खरेदीदारांनचा आत्मविश्वास वाढला आहे आणि त्यांचे स्वप्नवत घर खरेदी करण्याचा हा सर्वोत्तम काळ आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2Pw6udp
No comments:
Post a Comment