म. टा. प्रतिनिधी, पिंपरी : शिवजयंतीनिमित्त पुरंदर जवळील मल्हारगडावरून शिवज्योत घेऊन जाणाऱ्या टेम्पोला भरधाव ट्रकने धडक दिली. यामध्ये ज्योत घेऊन जाणाऱ्या शिवभक्तांसह ३२ जण जखमी झाले. अपघात घडल्यानंतर ट्रक मालकाने 'आम्ही तुमच्या मुलांना काही मदत करणार नाही. तुम्हाला काय करायचे ते करा' अशी धमकी दिली. अपघात प्रकरणात दोघांना अटक करण्यात आली आहे. हा अपघात शुक्रवारी (१० मार्च) पहाटे साडेचार वाजताच्या सुमारास कात्रज-देहूरोड बाह्यवळण मार्गावर ताथवडे येथे घडला.विलास पोपट कोंडभर (वय २३), आदित्य संतोष सातकर (वय १३), विरेन राजू मोरे (वय १४), हर्ष निवृत्ती ढम (वय १२), दक्ष चंद्रकांत भानुसघरे (वय १४), हृतिक किसन सांडभोर, सोन्या संतोष कोंडभर, अभिषेक आत्माराम मोरे, वेदांत कैलास कोंडभर, साहिल बाळू पोटपोडे, संस्कार संजय कोंडभर, सिद्धेश रोहिदास कोंडभर, रोहन संतोष कोंडभर, करण शत्रुघ्न कोंडभर, गौरव शिवाजी भानुसघरे, सौरभ शत्रुघ्न कोंडभर, यश रामदास कोंडभर, अथर्व संतोष कोंडभर, सिद्धांत भानुसघरे, श्लोक विनायक कोंडभर (वय १०), आर्यन सोमनाथ कोंडभर (वय १४), कार्तिक गणेश भानुसघरे (वय १४), भावेस दत्ता कोंडभर (वय १३), संजय येवले (वय ३२) अशी गंभीर जखमींची नावे आहेत. रामदास गंगाराम कोंडभर, दत्ता किसन कोंडभर, सुजल अंकुश भानुसघरे, साहिल दत्ता कोंडभर, विराज प्रकाश कोंडभर, विराज शिवाजी कोंडभर, सुजल संतोष कोंडभर, चेतन संतोष कोंडभर अशी जखमींची नावे आहेत.सागर भागू कोंडभर (वय ३४, रा. शिलाटणे, ता. मावळ) यांनी या प्रकरणी हिंजवडी पोलिस ठाण्यात फिर्याद दिली आहे. त्यानुसार ट्रक चालक नामदेव विनायक पाटोळे (वय ३६), क्लिनर प्रशांत विकास बनसोडे (वय २६, दोघे रा. उमरगा, जि. उस्मानाबाद) या दोघांना पोलिसांनी अटक केली आहे. त्यांच्यासह ट्रक मालकाच्या विरोधातही गुन्हा दाखल केला आहे.पोलिसांनी दिलेल्या माहितीनुसार, फिर्यादी आणि त्यांच्या गावातील शिवभक्त शिवज्योत आणण्यासाठी मल्हारगडावर गेले होते. तिथून शिवज्योत घेऊन येत असताना पहाटे साडेचार वाजताच्या सुमारास त्यांच्या टेम्पोला पाठीमागून नामदेव पाटोळे याच्या ताब्यातील ट्रकने धडक दिली. त्यात फिर्यादी यांच्या टेम्पोसोबत असलेले ३० जण जखमी झाले. ट्रकच्या धडकेमुळे टेम्पो चालकाचे नियंत्रण सुटले आणि टेम्पो समोरच्या दुचाकीला धडकला. दुचाकीवरील दोघे जण जखमी झाले. या अपघातात एकूण २४ जण गंभीर जखमी झाले आहेत.अपघात घडल्यानंतर ट्रक मालकाने, आम्ही तुमच्या मुलांना काही मदत करणार नाही. तुम्हाला काय करायचे ते करा, अशी धमकी दिली. अपघातातील जखमींना तीन वेगवेगळ्या रुग्णालयात दाखल करण्यात आले आहे.पोलिस आयुक्त घटनास्थळीघटनेची माहिती मिळताच पिंपरी-चिंचवडचे पोलिस आयुक्त विनयकुमार चौबे यांनी घटनास्थळी धाव घेतली. त्यांच्यासह सह पोलिस आयुक्त मनोजकुमार लोहिया, अपर आयुक्त संजय शिंदे, उपायुक्त काकासाहेब डोळे, सहायक आयुक्त श्रीकांत डिसले, वरिष्ठ पोलिस निरीक्षक विवेक मुगळीकर यांनी घटनास्थळी भेट दिली. हिंजवडी पोलिस तपास करीत आहेत.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/osJVkzv
No comments:
Post a Comment