मुंबई : फेब्रुवारीतच उन्हाचे चटके वाढू लागल्याने मुंबईला पाणीपुरवठा करणाऱ्या तलावांतील पाणीसाठा निम्म्यावर (४४.८१) आला आहे. मुंबई महापालिका प्रशासनाने भातसा आणि अप्पर वैतरणा धरणातील राखीव साठ्यातील पाणी मिळण्यासाठी राज्य सरकारला पत्र पाठवले आहे. मात्र त्यास अद्याप सरकारकडून प्रतिसाद मिळालेला नाही. त्यामुळे १ मार्चपासून मुंबईत १० टक्के पाणीकपात लागू होण्याची शक्यता आहे.मुंबईला अप्पर वैतरणा, मोडकसागर, तानसा, मध्य वैतरणा, भातसा, विहार आणि तुळशी या सात तलावांतून दररोज ३८५० दशलक्ष लिटर पाणीपुरवठा केला जातो. सातही तलावांत गेल्या वर्षी २५ फेब्रुवारी रोजी ७ लाख २१ हजार ५७ दशलक्ष लिटर पाणीसाठा शिल्लक होता. तर यावर्षीच्या २५ फेब्रुवारी रोजी ६ लाख ४८ हजार ५३५ दशलक्ष लिटर पाणीसाठा उपलब्ध आहे. सध्या या तलावांमध्ये असलेला पाणीसाठा पुढील १८० दिवस म्हणजे ऑगस्टच्या मध्यापर्यंत पुरेसा आहे. मात्र मार्च ते मे या कालावधीत उन्हाचा तडाखा वाढतो. त्यामुळे तलावांतील पाण्याचे बाष्पीभवन जलदगतीने होते. मे महिन्यात बाष्पीभवनाचे प्रमाण वाढून तलावांतील पाणीसाठा कमी होण्याची शक्यता असल्याने खबरदारीचा उपाय म्हणून पालिका पाणीकपातीचा विचार करत आहे.धरणांतील साठा कमी झाल्यामुळे राखीव साठ्यातून पालिकेने पाणी मागितले आहे. गेल्या वर्षी जूनमध्ये पावसाने ओढ दिल्यामुळे पालिकेची राखीव साठ्याची मागणी राज्य सरकारने मान्य केली होती. पाऊस लांबणीवर गेल्याने १ जुलैपासून १० टक्के पाणीकपात लागू करण्यात आली होती. तलावांत समाधानकारक पाऊस झाल्यानंतर ८ ऑगस्टपासून कपात मागे घेण्यात आली होती. पाण्याचा साठा आणि पाण्याचा दाब याचा विचार करता सर्वसाधारणपणे १० ते १५ टक्के कपात केली जाते, अशी माहिती जल विभागातील अधिकाऱ्यांनी दिली आहे.२५ फेब्रुवारी २०२४ रोजीतलावातील पाणीसाठा- दशलक्ष लिटर - टक्केअप्पर वैतरणा -१,६५,१९९ (७२.७६)मोडकसागर ४५,६०८ (३५.३८)तानसा ७८,२७५ (५३.९५)मध्य वैतरणा २५,९५१ (१३.४१)भातसा ३,१३,७६१ (४३.७६)विहार १५,२३९ (५५.०२ )तुळशी ४,५०२ (५५.९५)गेल्या तीन वर्षांतील २५ फेब्रुवारीएकूण पाणीसाठा (दशलक्ष लिटर व टक्के)२०२४ : ६,४८,५३५ (४४.८१)२०२३ : ७,२१,०५७ (४९.८२)२०२२ : ७,५७,४४८ (५२.३३)वर्षभर विनाकपात पाणीपुरवठा करण्यासाठी-दरवर्षी १ ऑक्टोबर रोजी आवश्यक साठा-१४ लाख ४७ हजार ३६३ दशलक्ष लिटर
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/AobxICK
No comments:
Post a Comment