'डबल डेकर'ची भरारी, प्रवाशांचा प्रवास सुलभ होणार, आगामी वर्षात नव्या १८६ बसेस ताफ्यात येणार https://ift.tt/JroXwNb

म. टा. खास प्रतिनिधी, ठाणे : मुंबई महानगर प्रदेशातील इतर प्राधिकरणांच्या परिवहन उपक्रमांच्या आणि खासगी बससेवांच्या स्पर्धेला तोंड देत ठाणेकरांना चांगल्या दर्जाच्या सुविधा देण्यासाठी धडपडणाऱ्या टीएमटी प्रशासनाकडून गुरुवारच्या अर्थसंकल्पात ठाणेकरांना डबल डेकर बस देण्याची घोषणा करण्यात आली.अर्थसंकल्पात बस तिकिटात कोणत्याही प्रकारची भाडेवाढ न करता परिवहन व्यवस्थापक भालचंद्र बेहेरे यांनी सन २०२३-२४चे ४२७ कोटी १९ लाखांचे सुधारित आणि सन २०२४-२५ या आर्थिक वर्षाचे महसुली व भांडवली खर्चासह ६९४ कोटी ५६ लाख रकमेचे वास्तववादी व काटकसरीचे अंदाजपत्रक सभापती विलास जोशी यांना सादर केले.गेल्या आर्थिक वर्षामध्ये नियोजित केलेल्या १२३ शून्य प्रदूषण असलेल्या इलेक्ट्रीक बसेसपैकी ११४ इलेक्ट्रिक बसेस जानेवारीच्या पहिल्या आठवड्यात परिवहनच्या ताफ्यात दाखल झाल्या असून, उर्वरित बसेस लवकर दाखल होणार आहेत. याशिवाय नव्या आर्थिक वर्षामध्ये ‘पीएम ई-बस योजने’अंतर्गत १०० इलेक्ट्रिक बसेस व केंद्र सरकारच्या ‘एनसीएपी’अंतर्गत १५व्या वित्त आयोगानुसार ठाणे महापालिका परिवहन उपक्रमात ४२ आणि नवीन ४४ ई-बसेस ठाणे महापालिकेच्या सहकार्याने ताफ्यात दाखल केल्या जाणार आहे. त्यामुळे नव्या वर्षात ठाणेकर प्रवासी नागरिकांना चांगल्या सुविधा व अधिक मार्गांवर मागणीनुसार बसेस देण्याचा प्रयत्न केला जाणार आहे.महापालिकेच्या अनुदानावर भिस्तगतवर्षीच्या २०२३-२४ या वर्षासाठी महसुली भांडवली खर्चासह ४२७ कोटींचे सुधारित अंदाजपत्रक सादर करण्यात आले आहे.महापालिकेकडून टीएमटीला महसुली अनुदान १०२ कोटी ७३ लाख आणि संचलन तुटीपोटी ३४ कोटी ७६ लाख, असे १३७ कोटी ४९ लाख अनुदान नोव्हेंबर २०२३ रोजी देण्यात आले आहे.डिसेंबर ते मार्चपर्यंतच्या ४ महिन्यांसाठी महापालिकेकडून आणखी १०२ कोटींच्या अनुदानाची अपेक्षा करण्यात आली आहे.ठाणे परिवहन उपक्रम पूर्णपणे ठाणे महापालिकेच्या अनुदानावर अवलंबून असून, सन २०२४-२५ या आर्थिक वर्षामध्ये अनुदानासाठी ३४८ कोटी ८२ लाख व संचलन तुटीकरिता १०३ कोटी ६६ लाख अशी एकूण ४५२ कोटींच्या अनुदानाची मागणी करण्यात आली आहे.उत्पन्न वाढीचे प्रयत्न...- प्रादेशिक परिवहन कार्यालय व ठाणे शहर वाहतूक नियंत्रण शाखा यांच्याशी समन्वय साधून शहरातील अवैध वाहतूक बंदीचे प्रयत्न करून टीएमटीच्या प्रवाशांची संख्या वाढवण्यावर भर देणे-ठाणे परिवहन ताफ्यामध्ये मोठ्या संख्येने मिडी बसेस घेऊन शहरी व ग्रामीण परिसरात छोट्या रस्त्यांवर बस सेवा उपलब्ध करून देणे-नव्या मार्गांचा शोध घेऊन मिडी बसेसच्या फेऱ्यांचे नियोजन करून जास्तीत जास्त प्रवासी परिवहन सेवेकडे आकर्षित करण्याचे नियोजन-ठाणेकरांना खासगीऐवजी परिवहन उपक्रमाचा वापर करण्यासाठी ऑनलाइन आणि डिजिटल माध्यमातून आवाहन करणार-परिवहन उपक्रमातील ज्येष्ठ कर्मचाऱ्यांना वाहतूक निरीक्षक पदावर नियुक्त करून जास्तीत जास्त विनातिकीट प्रवाशांचा शोध घेण्यावर भर देणे-विनातिकीट प्रवासी सापडल्यास त्यांच्यावर १०० रुपयांऐवजी दंडाची रक्कम वाढवून २०० रुपये करण्यात आली आहेपरिवहनच्या ताफ्यातील बसेस४४६सद्यस्थितीत परिवहन सेवेच्या ताफ्यातील उपलब्ध बस गाड्या३६३ठाणेकरांना सेवा देण्यासाठी जीसीसी तत्त्वावर सुरू असलेल्या बस गाड्या१८६आगामी २ वर्षात नव्या इलेक्ट्रिक बस दाखल होणारप्रवासी भाड्यातून अपेक्षित उत्पन्नटीएमटीच्या मालकीच्या ४५ बसेस १४ कोटी १९ लाख रुपये‘जेएनआरयुएम’कडून प्राप्त १९० बसेस ६२ कोटी ७१ लाख रुपयेवातानुकूलित वोल्वो १५ बसेस ५ कोटी ५३ लाख रुपयेमहिलांसाठीच्या ५० तेजस्विनी बसेस १२ कोटी ३६ लाख रुपयेनव्या १२३ बसेस ३६ कोटी ६९ लाख रुपये२० सीएनजी मिडी बसेस ४ कोटी ६३ लाख रुपये४२ इलेक्ट्रिक बसेस ५ कोटी ९१ लाख१०० पीएम ई-बसेस १६ कोटी ३८ लाखएकूण १५८ कोटी ४० लाख रुपये

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/t4RUWOw