नाशिक: सध्या राज्याच्या वेगवेगळ्या भागात हिट अँड रनच्या घटनांमध्ये वाढ झाली असून अशीच एक घटना नाशिकमधून समोर आली आहे. जिल्ह्यातील मनमाड-नांदगावं मार्गावर हिट अँड रनची घटना समोर आली आहे. यात मंगळवारी संध्याकाळी भरधाव वेगाने जाणाऱ्या ट्रकने ३० ते ३५ मेंढ्या चिरडल्या आहेत. या घटनेत मेंढ्या मृत्युमुखी पडल्या आहे. अपघात करून चालक घटनास्थळावरून ट्रक घेऊन फरार झाला होता. मात्र सतर्क नागरिकांनी सदर ट्रकचा पाठलाग करून मनमाडच्या चौफुलीवर ट्रक पकडून पोलिसांच्या हवाली केला आहे. मिळालेल्या माहितीनुसार, मंगळवारी रात्री मनमाड-नांदगावं मार्गावर हिसवळजवळ हिट अँड रनची घडली. भरधाव वेगाने जाणाऱ्या ट्रकने तब्बल ३० ते ३५ मेंढ्या चिरडल्या. घटनेनंतर चालक ट्रकसह फरार झाला होता. मात्र परिसरातील नागरिकांनी त्याचा पाठलाग करून त्याला मनमाडच्या चौफुलीवर पकडून पोलिसांच्या हवाली केले. अपघातात मोठ्या प्रमाणात मेंढ्या दगावल्यामुळे मेंढपाळाचे मोठे नुकसान झाले आहे. पोलिसांनी ट्रक ताब्यात घेऊन चालकावर गुन्हा दाखल करण्याच्या कामाला सुरुवात केली आहे. घटनेत या मेंढपाळांचे मोठे नुकसान झाले आहे.या घटनेची माहिती मिळताच पोलिसांनी घटनास्थळी धाव घेतली होती. घटनेचा पंचनामा करुन पोलिसांनी आरोपीला ताब्यात घेतले आहे. या प्रकरणी पोलीस पुढील कारवाई करत आहेत. मेंढ्या दगावल्यामुळे मेंढपाळावर मोठं संकट कोसळलं आहे. या घटनेनं मेंढपाळसाठी हळहळ व्यक्त करण्यात येत आहे. दरम्यान राज्यात हिट अँण्ड रनच्या घटना वाढत आहेत. नुकतीच मुंबईतील घटनेनं खळबळ उडाली आहे. मुंबईतील वरळी परिसरात बीएमडब्ल्यू कारने चिरडून महिलेचा मृत्यू झाला आहे. बीएमडब्ल्यू कार शिवसेना शिंदे गटातील मिहीर शहा या सदस्याचा मुलगा चालवत होता. या अपघात प्रकरणातील मुख्य आरोपी मिहीर शहा हा अपघातानंतर फरार झाला होता. तो परदेशात पळून जाऊ नये म्हणून त्याच्याविरुद्ध लुकआउट नोटीस जारी करण्यात आली होती. आता त्याला ताब्यात घेण्यात आले आहे. राज्यातील हिट अँण्ड रनच्या घटना या मोठा गंभीर विषय ठरत आहेत.
from Marathi News: मराठी बातम्या, Latest News in Marathi, Breaking Marathi News in Marathi | Maharashtra Times https://ift.tt/NQUAevy
No comments:
Post a Comment