दुबई : टी २० वर्ल्ड कपमध्ये खेळपट्टयांनी चाहत्यांची निराशा केली असेल म्हटले जात होते. पण आयसीसीने त्याबाबत काहीही वक्तव्य केले नव्हते. पण मंगळवारी अखेर बीसीसीआयने टी २० वर्ल्ड कपमधील खेळपट्ट्यांबाबत आपले मौन सोडले आहे.
तीन खेळपट्ट्यांना शेरा
न्यूयॉर्कच्या नासाउ कौंटी स्टेडियममधील पहिल्या दोन लढतींसाठी तयार करण्यात आलेली खेळपट्टी असमाधानकारक होती, असे आयसीसीने स्पष्ट केले आहे. त्याचबरोबर तारौबा येथील ब्रायन लारा अकादमी मैदानावर अफगाणिस्तान आणि दक्षिण आफ्रिकेदरम्यान रंगलेली उपांत्य लढतीसाठीच्या खेळपट्टीलाही आयसीसीने हाच शेरा मारला आहे. हा निकाल स्पर्धेच्या दोन महिन्यांनंतर आयसीसीने दिला आहे. वेस्ट इंडिज-न्यूयॉर्क संयुक्त यजमान असलेला हा वर्ल्ड कप भारताने जिंकला आहे. भारताने २९ जून रोजी बार्बाडोस येथे झालेल्या लढतीत दक्षिण आफ्रिकेवर मात करून करंडक उंचावला होता.तारौबाची खेळपट्टीही लक्ष्य
तारौबाच्या ब्रायन लारा अकादमीच्या मैदानावर अफगाणिस्तान आणि दक्षिण आफ्रिका यांच्यातील पहिली उपांत्य लढत रंगली होती. दक्षिण आफ्रिकेने अफगाणिस्तानला ५६ धावांत गुंडाळले होते आणि विजयी लक्ष्य ८.५ षटकांत एका विकेटच्या मोबदल्यात पूर्ण केले होते. या मैदानावर वर्ल्ड कपच्या पाच लढती झाल्या. त्यात विंडीजने नोंदवलेली ९ बाद १४९ ही सर्वोच्च धावसंख्या ठरली.ड्रॉप इन खेळपट्ट्या
न्यूयॉर्कमध्ये 'ड्रॉप इन' खेळपट्ट्यांचा प्रयोग करण्यात आला होता. म्हणजे या खेळपट्टी दुसऱ्या ठिकाणी तयार करून मग स्टेडियममध्ये बसविण्यात आल्या होत्या. मात्र, या खेळपट्ट्यांवर गोलंदाजांचे वर्चस्व दिसून आले, तर फलंदाजांना असमान उसळीच्या चेंडूंचा सामना करावा लागला. त्यामुळे धावांचा पाऊस काही बघायला मिळाला नाही. लढतींचे निकाल एकतर्फीच लागले. 'नासाउ कौंटी आंतरराष्ट्रीय क्रिकेट स्टेडियममध्ये आतापर्यंत वापरल्या गेलेल्या खेळपट्ट्या अपेक्षित दर्जाच्या नव्हत्या. आपण त्यात सुधारणा करण्याचा प्रयत्न करीत आहोत,' असे तेव्हा आयसीसीने म्हटले होते. या मैदानावरील आठ लढतींतील पहिल्या डावातील सरासरी धावसंख्या १०७.६ होती. पुरुषांच्या टी-२० क्रिकेट वर्ल्ड कप स्पर्धेतील न्यूयॉर्क आणि तारौबा येथील खेळपट्टीला आंतरराष्ट्रीय क्रिकेट परिषदेने (आयसीसी) असमाधानकारक असा शेरा दिला आहे. न्यूयॉर्कमधील आठ पैकी सहा लढतींना समाधानकारक असा शेरा मिळाला, हे विशेष. टी-२० वर्ल्ड कप स्पर्धा आणि अमेरिकेमध्ये एक ते २९ जूनदरम्यान रंगली होती. भारताने हा वर्ल्ड कप जिंकला होता. त्यानंतर रोहित शर्मा आणि विराट कोहली यांनी टी २० वर्ल्ड कपमधून आपली निवृत्ती जाहीर केली होती.from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/Vozd6Ye
No comments:
Post a Comment