: भारत आणि बांगलादेश या दोन्ही संघांसाठी दुसरा कसोटी सामना निर्णायक ठरणार आहे. शुक्रवारपासून सुरु होणाऱ्या या कसोटी सामन्यासाठी एकमेव मोठा बदल होणार असल्याचे आता समोर आले आहे.
सलामीवीर...
पहिल्या कसोटी सामन्यात रोहित शर्मा दोन्ही डावांत अपयशी ठरला होता. त्यामुळे या सामन्यात त्यावर सर्वांच्या नजरा असतील. रोहितबरोबर यावेळी सलामीला यशस्वी जैस्वाल येणार असल्याचे निश्चित समजले जात आहे. कारण यशस्वीने पहिल्या कसोटीत आपली चमक दाखवली होती. त्यामुळे या सामन्यातही तोच सलामीला येणार असल्याचे स्पष्ट झाले आहे.मधली फळी...
मधल्या फळीत शुभमन गिल हा तिसऱ्या स्थानावर येईल. गेल्या सामन्यातील दुसऱ्या डावात त्याने दमदार शतक झळकावले होते. त्यामुळे तो तिसऱ्या स्थानी कायम असेल. भारतीय संघातील चौथे स्थान हे विराट कोहलीचे आहे. विराट हा सातत्याने अपयशी ठरत असल्याचे पाहायला मिळत आहे. त्यामुळे विराटसाठी फॉर्मात येण्यासाठी एक चांगली संधी असेल. लोकेश राहुलचीही विराट कोहलीसारखीच अवस्था आहे. त्यामुळे तो धावांचा दुष्काळ संपवणार का, याकडे सर्वांचे लक्ष असेल. ऋषभ पंत या सामन्यात मोठी भूमिका बजावू शकतो. कारण खेळपट्टी कशीही असली तरी तो धडाकेबाज फलंदाजी करतो, हे त्याने गेल्या सामन्यात दाखवले होते. त्यामुळे त्याची भूमिका महत्वाची ठरेल. आर. अश्विन आणि रवींद्र जडेजा यांची फलंदाजी पाहता त्यांचाही मधल्या फळीत समावेश होऊ शकतो.फिरकी गोलंदाज
फिरकी गोलंदाजी हे भारतात प्रमुख अस्त्र ठरते. कानपूरची खेळपट्टी फिरकीला पोषक असल्याचे दिसत आहे. त्यामुळे या सामन्यात तीन फिरकीपटू खेळवले जातील. रवींद्र जडेजा आणि आर. अश्चिन हे तर संघात असतील. पण तिसरा फिरकीपटू अक्षर पटेल असेल की कुलदीप यादव, हा निर्णय भारतीय संघाला घ्यावा लागेल. पण कुलदीप यादवला संधी मिळण्याची जास्त शक्यता यावेळी दिसत आहे.वेगवान गोलंदाज...
तीन फिरकी गोलंदाज खेळवले तर एक वेगवान गोलंदाज संघाला कमी करावा लागेल. या सामन्यात जसप्रीत बुमराहला विश्रांती दिली जाऊ शकते, असे म्हटले जात होते. जर ही गोष्ट घडली तर आकाश दीप आणि मोहम्मद सिराज यांच्यावर भारताच्या वेगवान गोलंदाजीची मदार असेल.या सामन्यासाठी तीन फिरकी गोलंदाज भारतीय संघात दिसतील, असे म्हटले जात आहे. पण पावसाचे जास्त सावट असले तर भारतीय संघात तीन वेगवान गोलंदाज पाहायला मिळू शकतात. त्यामुळे भारतीय संघात यावेळी कोणता बदल केला जातो, याकडे आता सर्वांचे लक्ष लागलेले असणार आहे.from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/9bmhtq0
No comments:
Post a Comment