अभिनेत्रीवर देह व्यापार करण्याची नवऱ्याची जबरदस्ती, संपत्तीतूनही बेदखल; अंत असा की हातगाडीवर नेला मृतदेह https://ift.tt/6X2xP4V

मुंबई- आज आम्ही तुम्हाला एका दुर्दैवी अभिनेत्रीची वेदनादायक कहाणी सांगत आहोत, जिने आपल्या करिअरमध्ये खूप यश मिळवले पण तिच्या वैयक्तिक आयुष्यात तिने अशा काही यातना आणि दु:ख भोगले की जे वाचून नक्कीच हादरा बसेल. तिचा नवरा तिला वेश्याव्यवसायासाठी भाग पाडत असे. कुटुंबानेही अभिनेत्रीला संपत्तीतून बेदखल केले होते. ही विमी होती, जी ४० च्या दशकातील प्रसिद्ध अभिनेत्री होती. विमीचा जन्म ८१ वर्षांपूर्वी म्हणजेच १९४३ मध्ये जालंधरच्या एका श्रीमंत कुटुंबात झाला होता. तिचे कुटुंब श्रीमंत होते. चित्रपटात येण्यापूर्वीच कुटुंबाने विमीचे लहान वयातच लग्न लावून दिले. नवराही खूप श्रीमंत होता आणि मोठा व्यापारी होता. त्यामुळे विमी रोज नवऱ्यासोबत पार्ट्यांमध्ये जात असे. अशाच एका पार्टीत एका संगीत दिग्दर्शकाने विमीला पाहिले आणि तिला चित्रपटात येण्याची ऑफर दिली. चित्रपटात काम केल्याचे ऐकून संताप संगीत दिग्दर्शकाने विमीच्या पतीशी याबाबत चर्चा केली आणि त्यानेही तिला चित्रपटात काम करण्यास होकार दिला. विमीने बी.आर. चोप्रा यांची भेट घेतली. त्यांनी विमीला 'हमराज' चित्रपटात साइन केले. मात्र जेव्हा विमीच्या सासरच्या मंडळींना हे कळाले तेव्हा त्यांनी संतप्त होऊन अभिनेत्रीला संपत्तीतून बेदखल केले. विमीने पतीचे घर सोडले आणि चित्रपटांमध्ये प्रवेश केला. 'हमराज' या पहिल्याच चित्रपटाने ती रातोरात स्टार बनली. नवऱ्याची ढवळाढवळ, करिअर बरबाद होऊ लागले विमीच्या करिअरला सुरुवात झाली. तिला एकामागून एक चित्रपट मिळू लागले आणि दिग्दर्शकही तिला आपल्या सिनेमात घेण्यासाठी रांगा लावू लागले. पण लवकरच सर्व काही संपुष्टात येणार होते. विमीच्या करिअरमध्ये पतीचा हस्तक्षेप वाढला. तो तिच्या चित्रपटांमध्ये ढवळाढवल करत असे. विमीने कोणत्या चित्रपटात काम करायचे आणि कोणत्या नाही हे ठरवायचा. नवऱ्यामुळे विमीचे करिअर उद्ध्वस्त होऊ लागले. चित्रपट फ्लॉप होऊ लागले, काम बंद पडले आणि पैशांची चणचण भासली. बी.आर. चोप्रानी विमीसोबत केलेला ३ चित्रपटांचा करारही रद्द केला. यानंतर विमीचे वाईट दिवस सुरू झाले. तिचे प्रदर्शित झालेले बहुतेक चित्रपट फ्लॉप ठरले. त्यामुळे इतर दिग्दर्शकांनीही विमीसोबत काम करण्यास नकार दिला. याचा परिणाम असा झाला की विमीची सर्व बचत नष्ट झाली. कमाईही थांबली. दारू पिऊन पती तिला मारहाण करायचा, ती त्याला सोडून जॉलीसोबत राहू लागली दुसरीकडे पतीने दारू पिऊन धिंगाणा घालण्यास सुरुवात केली. तो विमीला खूप मारायचा. तिच्या पतीने विमीवर बी आणि सी ग्रेड चित्रपटात काम करण्यासाठी दबाव टाकल्याचे सांगितले जाते. विमीला खूप त्रास झाला आणि या त्रासात तिने दारूला आपलेसे केले. पतीला सोडल्यानंतर ती जॉली नावाच्या निर्मात्याच्या प्रेमात पडली आणि त्याच्यासोबत राहू लागली. जॉलीसोबत ती देखील दारूच्या आहारी गेली. पती निर्मात्यांसोबत शारीरिक संबंध ठेवायला सांगायचा 'तबस्सुम टॉकीज'नुसार, जॉलीने विमीची मदत कमी आणि तिचे शोषण जास्त केले. त्याने विमीला सांगितले की, तुला चित्रपटांमध्ये जास्त काम करायचे असेल तर निर्मात्यांकडे जा. त्यांच्यासोबत जास्तीत जास्त वेळ घालव. तुला काम मिळेल तसेच किंमतही मिळेल. हे ऐकून विमीला मोठा धक्का बसला. ती आणखी दारू पिऊ लागली. वेश्याव्यवसायाच्या दबावामुळे जॉली आणि विमीचे नातेही बिघडले. वेश्याव्यवसायातून कमावलेले पैसे जॉली स्वतःकडे ठेवायचा आणि विमीला मारहाण करायचा. मृत्यू १९७७ मध्ये, मृतदेह गाडीवर स्मशानभूमीत नेण्यात आला आणि त्यानंतर सतत मद्यपान केल्यामुळे विमीचे यकृत खराब झाले आणि २२ ऑगस्ट १९७७ रोजी तिचा मृत्यू झाला. रुग्णालयात तिचा मृत्यू झाला. रिपोर्ट्सनुसार, जॉलीला हॉस्पिटलमधून बोलावून तिचा मृतदेह घेण्यास सांगितले तेव्हा तो हॉस्पिटलमध्ये पोहोचला. मात्र त्यानंतर रुग्णवाहिकेसाठीही पैसे नव्हते. मग त्याने विमीचा मृतदेह एका गाडीवर ठेवला आणि स्मशानभूमीत ओढून नेला.

from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/Pgy6mtE