एकनाथ शिंदे - पंतप्रधान खळखळून हसले, उपमुख्यमंत्र्यांना हस्तांदोलन करताना काय म्हणाले PM मोदी? राज्यपालांनाही हसू आवरेना https://ift.tt/RXfenqb

मुंबई : राज्याचे मुख्यमंत्री म्हणून देवेंद्र फडणवीस यांनी तिसऱ्यांदा मुख्यमंत्रिपदाची शपथ घेतली. तर आणि अजित पवार यांनी उपमुख्यमंत्रिपदाची शपथ घेतली. या शपथविधी सोहळ्यासाठी पंतप्रधान नरेंद्र मोदी उपस्थित होती. पंतप्रधानांनी शपथ घेतल्यानंतर मुख्यमंत्री आणि उपमुख्यमंत्र्यांनाही शुभेच्छा दिल्या. शपथविधी सोहळ्यानंतर मंचावर एक खास दृष्य पाहायला मिळालं. एकनाथ शिंदे यांनी उपमुख्यमंत्री म्हणून शपथ घेऊन झाल्यानंतर त्यांना मोदींनी हस्तांदोलन केलं. पंतप्रधानांनी शिंदे यांच्या दोन्ही हातांवर थोपटून त्यांचं अभिनंदन केलं. पण त्यानंतर मोदींनी असं काही म्हटलं, की उपमुख्यमंत्री शिंदे आणि पंतप्रधान मोदी दोघेही जोरात हसू लागले. मोदी आणि शिंदे यांना खळखळून हसताना पाहून त्यांच्याजवळ उभे असलेले महाराष्ट्राचे राज्यपाल सी.पी. राधाकृष्णन यांनाही हसू आवरलं नाही आणि तेदेखील हसू लागले. पंतप्रधान नरेंद्र मोदी आणि यांना खळखळून हसताना पाहून प्रेक्षकांमध्ये बसलेली जनताही उत्साही झाल्याचं व्हिडिओमध्ये ऐकू येत आहे. पण पंतप्रधानांनी एकनाथ शिंदेंना असं नेमकं काय सांगितलं ज्याने इतका हास्यकल्लोळ झाला, हे मात्र समजू शकलं नाही.

पंतप्रधानांनी दिल्या शुभेच्छा

पंतप्रधान नरेंद्र मोदी यांनी सोशल मीडिया प्लॅटफॉर्म एक्सवर एक पोस्ट शेअर केली आहे. पोस्ट शेअर करत त्यांनी लिहिलंय, 'महाराष्ट्राचे मुख्यमंत्री म्हणून शपथ घेतलेल्या देवेंद्र फडणवीसांना शुभेच्छा. राज्याचे उपमुख्यमंत्री म्हणून शपथ घेणाऱ्या एकनाथ शिंदे आणि अजित पवार यांना शुभेच्छा.तसंच, हा संघ म्हणजे अनुभव आणि गतिमानता यांचा मिलाफ असून यांच्या सामूहिक प्रयत्नांमुळेच महायुतीला महाराष्ट्रात ऐतिहासिक जनादेश मिळाला आहे. ही टीम राज्यातील जनतेच्या आकांक्षा पूर्ण करण्यासाठी आणि सुशासनासाठी शक्य ते सर्व प्रयत्न करेल. मी महाराष्ट्राच्या विकासासाठी केंद्राकडून सर्वतोपरी सहकार्य करण्याचे आश्वासन देतो', अशी पोस्ट करत पंतप्रधान नरेंद्र मोदी महायुतीच्या नव्या सरकारला शुभेच्छा दिल्या आहेत. दरम्यान, २३ नोव्हेंबर रोजी राज्यात विधानसभा निवडणुकीचे निकाल जाहीर झाले. निकालात महायुती सरकारला बहुमत मिळालं. त्यानंतर निवडणुकीच्या जवळपास १२ दिवसांनी ५ डिसेंबर रोजी मुंबईतील आझाद मैदानात महायुतीचा महाशपथविधी सोहळा पार पडला. या कार्यक्रमासाठी विविध राज्याचे मुख्यमंत्री, अनेक साधुसंत तसंच देशाचे पंतप्रधान नरेंद्र मोदीही सहभागी झाले होते. राज्यपाल सी.पी राधाकृष्णन यांनी देवेंद्र फडणवीस आणि एकनाथ शिंदे - अजित पवार यांना गोपनीयतेची शपथ दिली.

from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/zGYoCg2