अर्जुन राठोड, : सुखी संसाराचं स्वप्न पाहणाऱ्या एका ३२ वर्षीय विवाहितेचा संसार अर्ध्यावरती मोडल्याची घटना समोर आली आहे. शनिवारी रात्री विवाहिता प्रियंका अन्नपुरे ही तुळशीराम नगर येथील राहत्या घरी गळफास घेतलेल्या अवस्थेत आढळली. माहेरहून दोन ते तीन तोळे सोन्याचे दागिने घेऊन ये... या मागणीसाठी सासरच्या मंडळींनी तिचा शारिरीक आणि मानसिक छळ केला. या छळाला कंटाळून प्रियंकाने आत्महत्या केली असा आरोप विवाहितेच्या आई- वडिलांनी केला आहे. या प्रकरणी पतीसह इतर तिघांवर हुंडाबळीचा गुन्हा दाखल करण्यात आला आहे.प्रियंकाचा विवाह डिसेंबर २०२० साली नांदेड शहरातील तुळशीराम नगर येथील अभिजीत अन्नपूरे याच्याशी झाला होता. मात्र विवाहाच्या काही दिवसांनंतर लगेचच पती आणि सासरच्या लोकांनी प्रियंकाला मानसिक आणि शारीरिक त्रास देणं सुरू केलं होतं. २०२२ मध्ये प्रियंकाला मुलगा झाला. या नंतर तरी सगळं काही ठीक होईल असं विवाहितेच्या आई - वडिलांना वाटलं होतं, पण बाळ झाल्यानंतरही प्रियंकाला त्रास देणं तिच्या सासरच्या लोकांकडून सुरूचं होतं.माहेरहून दोन ते तीन तोळे सोन्याचे दागिने घेऊन ये... असा तगादा प्रियंकाकडे लावला जात होता. प्रियंका आणि तिच्या सासरच्या लोकांचा वाद महिला सहाय्यता कक्षापर्यंत पोहचला होता. सासरच्या लोकांना समज देण्यात आली होती. मात्र सासरच्या लोकांकडून विवाहितेचा छळ सुरूच होता. लग्नाला पाच वर्ष होऊनही पहिल्या वर्षापासून पाचव्या वर्षापर्यंत विवाहितेला सतत त्रास दिला जात होता.याच दरम्यान २५ जानेवारी रोजी शनिवारी रात्री सव्वा आठ वाजताच्या सुमारास प्रियंका गळफास घेतलेल्या अवस्थेत आढळून आली. प्रियंकाने गळफास घेतल्याचं सासरच्या लोकांकडून सांगण्यात आलं. शासकीय रुग्णालयात जाऊन पाहिलं असता प्रियंका मृत अवस्थेत आढळली. त्यानंतर रविवारी प्रियंकाच्या आई - वडिलांनी भाग्यनगर पोलीस ठाणे गाठलं. सोन्या-चांदीसाठी तगादा लावल्यामुळे प्रियंकाने आत्महत्या केली अशी तक्रार दाखल केली. या प्रकरणी गंगासागर कमलेश्वर यांनी दिलेल्या फिर्यादीवरुन भाग्यनगर ठाण्यात अभिजीत अन्नपुरे (पती), शंकर अन्नपुरे (सासरा ), सीमा अन्नपुरे (सासू), अश्विनी अन्नपुरे (नंनद) या चौघांवर हुंडाबळीचा गुन्हा दाखल केला असून याप्रकरणी पुढील तपास सहाय्यक पोलीस निरिक्षक मस्के करत आहेत.
from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/TH25gQh
No comments:
Post a Comment