मुंबई: उत्तराखंड येथे दिनांक २८ जाने. ते ०३ फेब्रु. या कालावधीत होणाऱ्या "३८व्या राष्ट्रीय क्रीडा" स्पर्धेकरीत राज्य कबड्डी असो.ने आपले पुरुष व महिला कबड्डी संघ घोषित केले. नाशिकच्या आकाश शिंदेकडे पुरुष, तर मुंबई शहरच्या सोनाली शिंगटेकडे महिला संघाचे नेतृत्व सोपविण्यात आले. ३७व्या राष्ट्रीय क्रीडा स्पर्धेत पुरुष संघ कास्य पदकाचा मानकरी ठरला होता. तर महिलांना पदकाविना परतावे लागले होते. यंदाच्या पुरुष संघात नवोदितांना अधिक संघी देण्यात आली आहे. पुणे येथील बालेवाडी येथील क्रीडा संकुलात या दोन्ही संघांचा सराव सुरू होता. निवडण्यात आलेल्या या संघाची घोषणा राज्य कबड्डी असो.चे सचिव बाबुराव चांदेरे यांनी केली. निवडण्यात आलेला हा संघ आज दिनांक २७ जाने. रोजी दुपारी ०२-५० वाजता पुणे येथून विमानाने स्पर्धेकरीता उत्तराखंड येथे रवाना होईल, अशी माहिती सचिव बाबुराव चांदेरे यांनी सर्व प्रसार माध्यमांना एका पत्रकाद्वारे दिली. आकाश आणि सोनाली यांच्याकडून महाराष्ट्राला फार मोठ्या आशा आहेत. त्यामुळे आता या ३८ व्या राष्ट्रीय कबड्डी स्पर्धेत महाराष्ट्राचा संघ कशी कामगिरी करतो, याकडे आता सर्वांचे लक्ष लागून राहीलेले असणार आहे.पुरुष संघ:- १) - संघनायक, २) शिवम पठारे, ३) अजित चव्हाण, ४) शुभम शेळके, ५) पंकज मोहिते, ६) अक्षय बरडे, ७) श्रेयस उमरदंड, ८) संभाजी वाबळे, ९) सुरेश जाधव, १०) ओमकार पाटील, ११) विशाल ताठे, १२) तुषार आदवडे.प्रशिक्षक:- आत्माराम कदम, व्यवस्थापक :- मालोजी भोसले.महिला संघ :- १) - संघनायिका, २) रेखा सावंत, ३) सलोनी गजमल, ४) निकिता पडवळ, ५) मंदिरा कोमकर, ६) आम्रपाली गलांडे, ७) समरीन बुरोंडकर, ८) साधना विश्वकर्मा, ९) दिव्या गोगावले, १०) माधुरी गवंडी, ११) ज्युली मिस्किता, १२) कोमल देवकर.प्रशिक्षक :- राजेश पाडावे, व्यवस्थापिका :- वर्षा मुंडे.
from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/o3cz0C7
No comments:
Post a Comment