रस्त्यावर वडापाव विकायचे 'छावा'चे दिग्दर्शक, मग स्टुडिओमध्ये फरशी पुसायचं केलं काम! कुठे मिळाली आयुष्याला कलाटणी? https://ift.tt/a3LbguI

मुंबई- विकी कौशल आणि रश्मिका मंदाना यांच्या छावा या सिनेमाने काही काळापूर्वी बॉक्स ऑफिसवर धुमाकूळ घातला होता. या चित्रपटात छत्रपती संभाजी महाराजांचा औरंगजेबाविरुद्धचा संघर्ष सुंदरपणे दाखवण्यात आला आहे. Chhava ने जगभरातील बॉक्स ऑफिसवर तब्बल 800 कोटी रुपयांहून कमाई केली आहे. हा चित्रपट यांनी दिग्दर्शित केला होता. बॉक्स ऑफिसवर या दिग्दर्शकाचे हे सलग पाचवे व्यावसायिक यश आहे. आज त्यांच्या वाढदिवसानिमित्त त्यांच्या संघर्षाबद्दल जाणून घेऊ. लक्ष्मण उतेकर यांनी 'लुका छुपी', 'जरा हटके जरा बच्चे', 'तेरी बातों मे ऐसा उलझा जिया', 'मिमी' यांसारखे उत्कृष्ट चित्रपट दिग्दर्शित करून आपली छाप पाडली आहे. आज लक्ष्मण उतेकर यांचे चित्रपट केवळ देशातच नव्हे तर जगभरात प्रसिद्ध आहेत, परंतु दिग्दर्शकाचा प्रवास कधीच सोपा नव्हता. चित्रपट जगताशी काहीही संबंध नव्हता दिग्दर्शक लक्ष्मण उतेकर यांचे ३ चित्रपट १०० कोटी क्लबमध्ये समाविष्ट आहेत तर ब्लॉकबस्टर व्यवसाय करून इतिहास रचला आहे. पण एक काळ असा होता जेव्हा दिग्दर्शक फारच हालाखीची परिस्थितीतून जात होते. त्यांचा जन्म एका साध्या कुटुंबात झाला ज्यांचा फिल्म इंडस्ट्रीशी कोणताही संबंध नव्हता. ते कोणत्याही चित्रपट शाळेत गेले नव्हते. ते फक्त त्यांच्या मेहनतीच्या बळावर पुढे जात राहिले. वडा पाव विकायचे आर्थिक अडचणीतून बाहेर पडण्यासाठी वेगवेगळी कामे केली होती. सुरुवातीला ते फिल्म स्टुडिओमध्ये फरशी पुसायचे, पण ते कामही त्यांच्यासाठी पुरेसे नव्हते. फिल्म स्टुडिओमध्ये फरशी पुसण्यासोबतच, लक्ष्मण उतेकर वडा पाव विकून उदरनिर्वाह करत होते. फिल्म स्टुडिओमध्ये काम करत असताना, त्यांना दिग्दर्शनाची प्रक्रिया समजली. २०२१ मध्ये, दिग्दर्शकाने 'मिमी' सरोगसीभोवती फिरणारा हा चित्रपट बनवला. कोरोनामुळे हा चित्रपट थिएटरमध्ये प्रदर्शित होऊ शकला नाही, परंतु त्याचे सर्वत्र कौतुक झाले. 'मिमी'मधील क्रितीच्या उत्कृष्ट अभिनयासाठी तिला सर्वोत्कृष्ट अभिनेत्रीचा राष्ट्रीय पुरस्कारही मिळाला. त्यानंतर 'तेरी बातें में ऐसा उलझा जिया' या चित्रपटात या अभिनेत्री-दिग्दर्शकाच्या जोडीने पुन्हा एकदा एकत्र काम केले. शाहिद कपूर आणि कृती सॅनन यांच्या चित्रपटाने जगभरातील बॉक्स ऑफिसवर १३३ कोटी रुपये कमावले होते. लक्ष्मण उतेकर यांनी सारा अली खान आणि विकी कौशल यांचा 'जरा हटके जरा बच्चे' हा चित्रपटही दिग्दर्शित केला होता. त्यांचा हा चित्रपट १०० कोटींचा टप्पा ओलांडण्यातही यशस्वी ठरला. पण विकी कौशलचा अलीकडील चित्रपट लक्ष्मणच्या आतापर्यंतच्या कारकिर्दीतील सर्वोत्तम चित्रपट ठरला आहे.

from Marathi News: मराठी बातम्या, Latest Marathi Breaking News & Headlines, Election 2025 Live in Marathi | Maharashtra Times https://ift.tt/5ryfCzP