मुंबई : आयपीएल २०२५ मधील प्ले-ऑफच्या अंतिम चार टीम्ससाठी रंगत वाढली आहे. तर आता चौथ्या स्थानासाठी लढाई होताना दिसणार आहे. गुजरात टायटन्स आता पहिल्या, आरसीबी दुसऱ्या आणि पंजाब किंग्ज तिसऱ्या स्थानी असून चौथ्या स्थानी कोण बाजी मारतं हे पाहणं महत्त्वाचं ठरणार आहे. पहिल्या टॉप तीनमधील एक संघाचा कॅप्टन पहिला कर्णधार ठरला आहे, ज्याने आपल्या नेतृत्त्वाखाली टीमला प्ले-ऑफपर्यंत पोहोचवलं आहे. त्यामधील एका टीमला विजेतपदाची ट्रॉफी जिंकून देण्यातही तो यशस्वी ठरला आहे. कोण आहे तो खेळाडू जाणून घ्या.आपण ज्या खेळाडूबद्दल बोलत आहोत तो पंजाब किंग्जचा कर्णधार श्रेयस अय्यर आहे. श्रेयस अय्यरबाबत पंजाबने घेतलेला निर्णय महत्त्वाचा ठरला आहे. यंदा तगडी टीमबांधणी केल्याचं पाहायला मिळालं. अय्यरने कर्णधारपदाची धुरा सांभाळताना आपल्या कामगिरीवर त्याचा कसलाही परिणाम होऊ दिला नाही. गेल्या मागील वर्षापासून त्याची आंतरराष्ट्रीय कामगिरी पाहिली तर तो यशस्वी ठरला आहे. यामध्ये वन डे वर्ल्ड कप, चॅम्पियन ट्रॉफीचाही समावेश आहे. यंदाच्या सीझनआधी झालेल्या मेगा लिलावामध्ये त्याला पंजाबने २६.७५ कोटी रूपयांना खरेदी केले होते. श्रेयस अय्यर याने आयपीएलध्ये पंजाब पकडून तीन टीम्सच्या कर्णधारपदाची जबाबदारी सांभाळली आहे. यामध्ये दिल्ली कॅपिटल्स, कोलकाता नाईट रायडर्स आणि यंदा पंजाब किंग्ससाठी त्याने ही कामगिरी केली आहे. दिल्लीने रिषभ पंतकडे कर्णधारद दिल्यानंतर त्याला कोलकाताने आपल्या ताफ्यात घेतलं होतं. कोलकाताने गतवर्षी ट्रॉफी नावावर केली. यामध्ये त्याला हवं तसं क्रेडिट मिळालं नाही. पण हा खेळाडू शांत डोक्याचा त्याने कसलीही खंत मनात ठेवली नाही. गौतम गंभीर विजयाचा हिरो म्हणून त्याची वाहवाह झाली. दरम्यान, सगळ्यात खराब म्हणजे विजेतेपदावर नाव कोरणाऱ्या कॅप्टनला त्यांनी रिटेन केले नाही. त्यानंतर खिसा गरम असलेल्या पंजाबने त्याच्यावर पैसा लावला आणि आपल्या ताफ्यात त्याला सामील करून घेतलं. यंदाच्या वर्षी श्रेयसने १२ सामन्यामध्ये त्याने ४३५ धावा केल्या असून त्यामध्ये चार अर्धशतकांचा समावेश आहे. ४८ ची सरासरी आणि १७४.७० च्या स्ट्राईक रेटने त्याने धावा केल्या आहेत. यंदा पंजाबकडून त्याला विजेतेपदाची अपेक्षा असणार आहे. पंजाबला एकदाही ट्रॉफी जिंकता आलेली नाही.
from Marathi News: मराठी बातम्या, Latest Marathi Breaking News & Headlines, Election 2025 Live in Marathi | Maharashtra Times https://ift.tt/zOD3FjX
No comments:
Post a Comment