संतोष शिराळे, सातारा : साताऱ्यातून अत्यंत दुर्दैवी घटना समोर येत आहे. पुणे-बंगळूरू राष्ट्रीय महामार्गावर नागाठणे येथे भरधाव टेम्पोने दुचाकीला पाठीमागून जोरदार धडक दिली. यामुळे भीषण अपघात घडला. अपघातात दुचाकीवरील बापलेकीचा दुर्दैवी मृत्यू झाला आहे. मृत पुणे जिल्ह्यातील खेड तालुक्यातील रहिवासी आहेत.वृ्त्तानुसार, रविवारी दुपारी साडेचारच्या सुमारास ही दुर्दैवी घटना घडली आहे. इब्राहिम हसन शेख (वय ३८), मेहेक इब्राहिम शेख (वय १२) अशी मृतांची नावे आहेत. बोरगाव पोलिसांनी सांगितले की, इब्राहिम शेख हे त्यांच्या लहान मुलीसह दुचाकीवरून नागठाणे येथे निघाले होते. यावेळी भरधाव वेगात आलेल्या टेम्पोने शेख यांच्या दुचाकीला पाठीमागून जोरदार धडक दिली. यामध्ये दोघेही गंभीर जखमी झाले. अपघातानंतर त्यांना तातडीने जिल्हा शासकीय रुग्णालयात दाखल करण्यात आले होते. मात्र, उपचारादरम्यान बापलेकीने प्राण गमावला. टेम्पो चालक आसिफ नैमुद्दीन सय्यद (वय ३०, रा. सय्यद नगर, हडपसर पुणे) याच्यावर बोरगाव पोलिस ठाण्यात गुन्हा दाखल करण्यात आला आहे. दरम्यान, बापलेकीच्या मृत्यूमुळे परिसरात हळहळ व्यक्त केली जातेय. अशीच एक मन हेलावणरी घटना नाशिकमधून समोर आली होती. नाशिक-कळवण रस्त्यालगत कोल्हापूर फाट्याजवळ एक कार जोरदार आदळली. या भीषण अपघातात एकाच कुटुंबातील चौघांचा अंत झाला. नातेवाइकांचा विवाहसोहळा आटोपून नामपूर व देवळ्याकडे परतताना त्यांच्यावर काळाने घाला घातला. अपघातामध्ये शैला वसंत बधान, त्यांची जाऊ सरला भालचंद्र बधान, चालक खालिक मेहमूद पठाण तसेच माधवी योगेश मेतकर, त्रिवेणी योगेश मेतकर हे पाच जण जागीच ठार झाले आहेत. भालचंद्र बधान यांच्यावर खासगी रुग्णालयात उपचार सुरू आहेत. मृतांमधील शैला बधान व माधवी मेतकर या मायलेकी असून, त्रिवेणी व उत्कर्ष ही माधवी यांची अपत्ये होती.याप्रसंगी असे दिसून येते की, अवजड वाहनांच्या निष्काळजीपणामुळे अन्य वाहनचालकांना जीव गमावावा लागत आहे. अनेकजण भरधाव वेगाचे बळी पडत आहेत. यामुळे वाहनांच्या वेगावर मर्यादा यावी, अशी मागणी सातत्याने केली जात आहे.
from Marathi News: मराठी बातम्या, Latest Marathi Breaking News & Headlines, Election 2025 Live in Marathi | Maharashtra Times https://ift.tt/nsCU1k9
No comments:
Post a Comment