वृत्तसंस्था, चंडीगड : पंजाबमधील सत्ताधारी भगवंत मान सरकार आणि राज्यपाल बनवारीलाल पुरोहित यांच्यात पुन्हा वादाच्या फैरी झडल्या आहेत. राज्यपालांनी मान सरकारविरोधात राष्ट्रपतींना पत्र लिहून राष्ट्रपती राजवट लागू करण्याचा इशारा दिला आहे.पुरोहित यांनी शुक्रवारी मान यांना समज देणारे पत्र पाठवले. त्यामध्ये विचारण्यात आलेल्या प्रश्नांची उत्तरे देण्यासाठी बजावण्यात आले आहे. ‘भगवंत मान यांनी प्रश्नांची उत्तरे न दिल्यास मला नाइलाजास्तव राष्ट्रपतींना पत्र लिहून राज्यातील स्थितीची कल्पना द्यावी लागेल. राज्यात राज्यघटना आणि लोकशाही धोक्यात आहे,’ असेही पुरोहित यांनी स्पष्ट केले.काय म्हणाले राज्यपाल?- ‘मुख्यमंत्र्यांनी माझ्या प्रश्नांची त्वरित उत्तरे द्यावीत, अन्यथा राज्यात लोकशाही धोक्यात आल्याचे निदर्शनास आणून राज्यघटनेच्या कलम ३५६ अन्वये पंजाबमध्ये राष्ट्रपती राजवट लागू करण्याची आणि कलम १२४ अन्वये त्यांच्याविरुद्ध कारवाई करण्याची राष्ट्रपतींना शिफारस करण्याशिवाय माझ्यापुढे पर्याय उरणार नाही.’- ‘राज्यघटनेत नमूद केलेल्या कर्तव्यांना मी बांधील असून, प्रशासन योग्य मार्गाने, निष्पक्ष आणि प्रामाणिकपणे कार्यरत आहे वा नाही, हे पाहणेही माझे काम आहे.- त्यानुसार, मी मुख्यमंत्री मान यांना एक ऑगस्टलाही याबाबत पत्राद्वारे आठवण करून दिली होती. मात्र, त्यांनी अद्याप उत्तर दिलेले नाही.- राज्यघटनेच्या कलम १६७ अन्वये राज्यपालांनी मुख्यमंत्र्यांना मागितलेली माहिती देणे बंधनकारक आहे. मात्र, माहिती देण्यास ते टाळाटाळ करीत आहेत.सर्वोच्च न्यायालयाच्या निर्णयाचाही दाखलाराज्यपाल बनवारीलाल पुरोहित यांनी मुख्यमंत्री भगवंत यांना सर्वोच्च न्यायालयाने २८ फेब्रुवारी २०२३ रोजी दिलेल्या निर्णयाचाही दाखला दिला. त्यामध्ये कोर्टाने मुख्यमंत्री आणि राज्यपाल ही दोन्ही घटनात्मक पदे असल्याचे म्हटले आहे. दोघांच्या भूमिका आणि जबाबदाऱ्या राज्यघटनेत स्पष्ट करण्यात आल्या आहेत. राज्यघटनेच्या कलम १६७ अन्वये राज्यपालांना राज्याच्या संदर्भात आणि कायदा-सुव्यवस्थेबाबत मुख्यमंत्र्यांकडून माहिती मागवण्याचा अधिकार आहे,’ असेही राज्यपालांनी पत्रात नमूद केले आहे.मी आजवर पाठवलेल्या प्रश्नांना उत्तरे देणे, तर दूरच; पण भगवंत मान तुम्ही माझ्यासंदर्भात वापरलेली भाषाही राजशिष्टाचारांना धरून नाही. मी लिहिलेल्या पत्रांना प्रेमपत्रांची उपमा देऊन खिल्ली उडवली. त्यावरून माझ्या आणि राज्यपाल कार्यालयाप्रति आपला पूर्वग्रह असल्याचे दिसते.- बनवारीलाल पुरोहित, राज्यपाल, पंजाब
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/NYKMvUB
No comments:
Post a Comment