गुजरात: सुरत जिल्ह्यातील सुरत रेल्वे स्थानकावर शनिवारी झालेल्या चेंगराचेंगरीत एकाचा मृत्यू झाला, तर अनेक जण जखमी झाले. शेकडो प्रवाशांनी दिवाळी आणि छठ पूजेच्या सणाच्या आधी सुरत रेल्वे स्थानकावरून बिहारला जाणाऱ्या ट्रेनमध्ये चढण्याचा प्रयत्न केला. त्या दरम्यान चेंगराचेंगरी झाली. यात बिहारला जाणार्‍या विशेष ट्रेनमध्ये चढत असताना झालेल्या गोंधळामुळे एका ४० वर्षीय व्यक्तीचा मृत्यू झाला आहे. स्थलांतरित कामगारांचा एक मोठा जमाव, मुख्यतः उत्तर प्रदेश आणि बिहारमधील, त्यांच्या मूळ गावी जात असताना, मोठ्या गर्दीत जमावाने बाहेर जाणार्‍या गाड्यांमध्ये चढण्याचा प्रयत्न केला होता. यामुळे ही परिस्थिती ओढावली. दरम्यान पोलिसांनी ही परिस्थिती नियंत्रणात आणली आहे. स्टेशन कंपाऊंडमध्ये गर्दीचे व्यवस्थापन करण्यासाठी अतिरिक्त फौजफाटा तैनात करण्यात आला होता. सुरत हे स्थलांतरित मजुरांचे केंद्र आहे. सुमारे १.५ दशलक्ष मजूर बिहार, उत्तर प्रदेश आणि ओडिशा यांसारख्या राज्यांतून आलेले आहेत. सुरतच्या खासदार आणि राज्याच्या रेल्वे मंत्री दर्शना जरदोश यांनी जखमींना भेटण्यासाठी हॉस्पिटलला भेट दिली. दरम्यान, जनसंपर्क अधिकारी सुमित ठाकोर म्हणाले, “सणासुदीच्या हंगामाच्या पार्श्वभूमीवर, पश्चिम रेल्वेने या वर्षी मुंबई, गुजरात आणि मध्य प्रदेशच्या काही भागांमध्ये सुमारे ४०० फेऱ्यांसह ४६ जोडी विशेष गाड्या चालवल्या आहेत. या गाड्यांचा वापर करून ७ लाखांहून अधिक प्रवासी त्यांच्या गंतव्यस्थानी प्रवास करत आहेत. सणाची गर्दी लक्षात घेऊन गर्दीच्या व्यवस्थापनासाठी विशेष व्यवस्था करण्यात आली आहे. सुरत स्टेशनवर जवळपास १६५ आरपीएफ आणि जीआरपी जवान तैनात करण्यात आले आहेत. अतिरिक्त तिकीट काउंटर उघडण्यात आले आहेत,” ते पुढे म्हणाले.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/Gp3FUnk
No comments:
Post a Comment