म. टा. विशेष प्रतिनिधी, मुंबईः केंद्रीय निवडणूक आयोगाने शिवसेना पक्षाचे नाव आणि चिन्हाबाबत महत्त्वपूर्ण निकाल दिल्यानंतर मुख्यमंत्री यांच्या उपस्थितीत शिवसेना पक्षाच्या राष्ट्रीय कार्यकारिणीची मंगळवारी महत्त्वाची बैठक पार पडली. एकनाथ शिंदे यांची मुख्य नेते म्हणून पुन्हा निवड करतानाच; आगामी लोकसभा निवडणुकीत शिवसेना-भाजप युती ४५ जागा, तर विधानसभा निवडणुकीत २०० जागा जिंकण्याचा निर्धार करण्यात आला. धर्मवीर आनंद दिघे यांचा अपमान करणाऱ्या खासदार संजय राऊत यांचा निषेध करण्याचा; तसेच पुन्हा एकदा भूमिपूत्रांच्या नोकऱ्यांबाबतचा ठराव संमत करून घेण्यात आला. शिवसेनेच्या इतिहासात पहिल्यांदाच राष्ट्रीय कार्यकारिणीची बैठक ठाकरे कुटुंबियांशिवाय पार पडली.शिवसेना पक्षाचे मुख्य नेते आणि मुख्यमंत्री एकनाथ शिंदे यांच्या उपस्थितीत मुंबईतील ताज प्रेसिडेंट येथे सायंकाळी ८ वाजता ही बैठक पार पडली. शिंदे यांनी या बैठकीला मार्गदर्शन केले. या वेळी राष्ट्रीय कार्यकारिणी पदाधिकारी, खासदार, आमदार बैठकीस उपस्थित होते.शिंदे यांनी मुख्यमंत्री म्हणून राज्यात केलेल्या कामगिरीबाबत त्यांच्या अभिनंदनाचा ठराव मंजूर करण्यात आला. या बैठकीत शिंदे यांना मुख्य नेतेपदी कायम ठेवण्याचा ठराव एकमताने मंजूर करण्यात आला आहे. तसेच, शिवसेनेचे सर्व अधिकार मुख्य नेता म्हणून शिंदे यांना देण्यात आले आहेत. उद्धव ठाकरे यांचा पक्षप्रमुख म्हणून कार्यकाळ २३ जानेवारी रोजी संपला आहे. यावेळी विविध ठराव मंजूर करण्यात आले. धर्मवीर आनंद दिघे यांचा अपमान करणाऱ्या संजय राऊत यांचा निषेध करणारा ठरावही मंजूर करण्यात आला. दादा भुसे यांच्या अध्यक्षतेखाली त्रिसदस्यीय शिस्तभंग समिती नेमण्याचेही निश्चित करण्यात आले. पक्षविरोधी वर्तणूक केल्यास नेते पदाधिकाऱ्यांवर या समितीच्या माध्यमातून कारवाई केली जाणार आहे. सिद्धेश रामदास कदम यांना शिवसेना सचिव पद देण्यात आले.नव्या वाटचालीची रणनीतीशिवसेनेच्या नव्या वाटचालीबाबत या बैठकीत महत्त्वाचे निर्णय या वेळी घेण्यात आले. तसेच आगामी अर्थसंकल्पीय अधिवेशनादरम्यान उद्धव ठाकरे यांच्यासोबत असलेल्या आमदारांना कसे अडचणीत आणता येईल, यावरही रणनीती ठरविण्यात आल्याचे समजते.शिवसेनेचे ठराव- स्वातंत्र्यवीर सावरकर यांना मरणोत्तर भारतरत्न देण्यात यावा- गड-किल्ल्यांचे संवर्धन करण्यात यावे- ८० टक्के नोकऱ्या मराठी माणसाला मिळाव्यात- चर्चगेटला डॉ. सी. डी. देशमुख यांचे नाव द्यावे- मराठी भाषेला अभिजात दर्जा देण्यात यावा- जिल्हानिहाय स्पर्धा परीक्षा तयारी केंद्रे सुरू करावीत- निवडणूक आयोगाच्या नियमांचे पालन करणे- राजमाता जिजाऊ, धर्मवीर संभाजी महाराज, पुण्यश्लोक अहिल्याबाई यांचा महापुरुषांच्या यादीत समावेश करावाशिवसेनाप्रमुख बाळासाहेब ठाकरे यांच्या विचारांना घेऊनच आपण पुढे चाललो आहोत, यामुळेच आपल्याला पक्षाचे नाव आणि चिन्ह मिळाले आहे.- एकनाथ शिंदे, मुख्यमंत्री
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/9EkU3Vs
No comments:
Post a Comment