राज्यात वीजमागणीचा उच्चांक, एकाच दिवसात २५ हजार मेगावॉट विजेचा वापर, तापमान वाढीचा परिणाम https://ift.tt/NeL9duh

म. टा. खास प्रतिनिधी, मुंबई: पावसाचा आखडता हात, ऑक्टोबर महिन्यातील मान्सूनची माघारी, तापमानाच्या पाऱ्याचा चढता आलेख यामुळे मुंबईबाहेर वीजपुरवठा करणाऱ्या महावितरणच्या ग्राहकांकडून सोमवारी २५ हजार २०९ मेगावॉट इतकी विक्रमी वीजमागणी नोंदवली गेली. ही मागणी पूर्ण करताना जवळपास ९,९०० मेगावॉट वीज महावितरणला बाहेरून खरेदी करावी लागली.राज्यात मुंबई वगळता सर्वत्र तर मुंबईत टाटा पॉवर, अदानी इलेक्ट्रिसिटी व बेस्ट यांच्याकडून विजेचा पुरवठा होतो. यंदा पावसाने पाठ फिरवल्याने ऑक्टोबर महिना अधिक तापला आहे. त्याचवेळी सर्व उद्योगधंदे जोमाने सुरू आहेत. त्यामुळेच मागील आठवडाभरापासून राज्यातील वीजमागणीमध्ये सातत्याने वाढ होत आहे. एरवी ऑक्टोबर महिन्यामध्ये २२ हजार मेगावॉटदरम्यान असलेली महावितरणच्या राज्यभरातील २.७३ कोटी वीज ग्राहकांची मागणी गेल्या काही दिवसांत २४ हजार मेगावॉटच्यावर गेली होती. या मागणीने सोमवारी उच्चांकी पातळी गाठली.महापारेषणअंतर्गत कार्यरत असलेल्या राज्यभार प्रेषण केंद्राकडून (एसएलडीसी) 'महाराष्ट्र टाइम्स'ला ही विशेष माहिती मिळाली. या केंद्राच्या स्वयंचलित डेटा देणाऱ्या 'स्कॅडा' प्रणालीनुसार, सोमवारी दुपारी ३.१५ वाजता महावितरणची मागणी २५,२०९ या उच्चांकावर होती. त्याआधी जून महिन्यात पावसाळ्याला विलंब झाल्याने वीजमागणी २५ हजार १७५ मेगावॉटवर गेली होती. तो उच्चांक मोडीत निघून उन्हाळ्यापेक्षाही अधिक विजेची मागणी मुंबई वगळता उर्वरित महाराष्ट्रात (महावितरण क्षेत्रात) दिसून आली.अशी पूर्ण झाली मागणीग्राहकांची वीजमागणी पूर्ण करण्यासाठी महावितरणला महानिर्मितीकडून १३ हजार मेगावॉट वीजपुरवठा होणे अपेक्षित असते. त्यामध्ये ९ हजार मेगावॉट औष्णिक व कोयना प्रकल्पातील १९५० मेगावॉट जलविद्युतचा समावेश आहे. मात्र कोयनेमध्ये ९० टक्केच जलसाठा असल्याने तेथून मर्यादित वीजनिर्मिती होत आहे. सोमवारी उच्चांकावेळी कोयना प्रकल्पातून १,६११ व औष्णिक प्रकल्पातून ५,५५४ मेगावॉट इतकी वीजनिर्मिती करण्यात आली. महावितरणने यादरम्यान महानिर्मिती कंपनीकडून एकूण ७,४६९, खासगी उत्पादकांकडून ६,०८८ व नूतनीय (पवन, सौर इ.) क्षेत्रातून १,६५५ मेगावॉट वीज घेतली. मात्र त्याशिवाय ९,९९७ मेगावॉट वीज बाहेरून खरेदी करावी लागली.ऑक्टोबरमधील सर्वाधिक मागणीमुंबईतील उकाडा प्रचंड वाढला आहे. त्यामुळे एरवी ऑक्टोबर महिन्यात ३३०० ते ३५०० मेगावॉटदरम्यान असलेली वीजमागणी मागील काही दिवसांत ३६०० मेगावॉटदरम्यान पोहोचली होती. सोमवारी मात्र मुंबईतील ग्राहकांकडून ३,८९५ मेगावॉट ही ऑक्टोबर महिन्यातील आजवरची सर्वोच्च वीजमागणी नोंदवली गेली. ही मागणी पूर्ण करताना तिन्ही वीजवितरण कंपन्यांनी मुंबईच्या सर्व वीजनिर्मिती प्रकल्पातून पूर्ण क्षमतेने उत्पादन केले. तरीही जवळपास १९९१ मेगावॉट वीज बाहेरून खरेदी करण्यात आली.Read And

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/dtsreQm