वांद्रे, गोरेगाव, मालाड, बोरिवलीला दिलासा मिळणार, पूरस्थिती टाळण्यासाठी १०० कोटी खर्च करणार https://ift.tt/7TxF1wu

म. टा. विशेष प्रतिनिधी, मुंबई: वांद्रे पश्चिम, गोरेगाव पूर्व आणि पश्चिम, मालाड पश्चिम, तसेच बोरिवली पश्चिमेकडील विविध भागांत पावसाळ्यात मोठ्या प्रमाणात पाणी तुंबण्याची समस्या निर्माण होते. त्यामुळे या परिसरातील अंतर्गत भागात पूरसदृश स्थिती निर्माण होते. यावर उपाय म्हणून या भागांमधील काही नाल्यांचे रुंदीकरण, खोलीकरण, पर्जन्य जलवाहिन्यांचा विस्तार, आरसीसी बॉक्स नाल्यांचे बांधकाम अशी विविध कामे केली जाणार आहेत. यासाठी पालिका १०० कोटींहून अधिक खर्च करणार आहे.मुंबईत पावसाळ्यात दरवर्षी अनेक भागात पाणी साचण्यापासून ते पूर येण्यापर्यंतची समस्या निर्माण होते. काही भागांत पुराचे प्रमाण मोठे असते. त्यावर उपाययोजना म्हणून पालिका पर्जन्य जलवाहिन्यांचे जाळे अधिक सक्षम करण्याचे काम करते आहे. पाण्याचा निचरा जलदगती व्हावा म्हणून दरवर्षी ४००हून अधिक पाणी उपसा करणारे पंप बसवले जातात; तसेच दादर, परळ, मिलन सब वे भागात पाणी साठवण करणाऱ्या भूमिगत टाक्या बसविण्यात आल्या आहेत. यासोबतच विविध भागांतील नाल्यांकडे लक्ष केंद्रीत करण्यात आले आहे. काही परिसरात नाल्यांची रुंदी वाढवणे, खोलीकरण, नाले वळविण्याची कामे पालिकेने हाती घेतली आहेत.या कामाच्या अंतर्गत वांद्रे एच/पश्चिम प्रभागातील पाली गाव आणि ३३वा रस्ता येथे व शेर्ली राजन गावातील पूरस्थिती कमी करण्यासाठी आरसीसी बॉक्स नाल्याचे बांधकाम करून सुधारणा करण्यात येणार आहे. गोरेगाव पश्चिम पी/दक्षिण विभागातील बांगूर नगरमध्ये पर्जन्य जलवाहिन्यांचा विस्तार आणि काही ठिकाणी पुनर्बाधणी करण्याचा निर्णय घेण्यात आला आहे. बोरिवली पश्चिमेकडील आर/मध्य प्रभागातील पाणलोट क. २०४ मध्ये योगी नगर रस्त्यापासून लिंक रोड येथील चंदावरकर नाल्यापर्यंत पर्जन्य जलवाहिन्यांचे दोन मीटर रूंद बांधकाम करण्यात येणार आहे. या कामांसाठी पालिकेने मंगळवारी निविदा मागवल्या आहेत.विटभट्टी, पिरामलनगरची सुटका?मालाड पश्चिम येथील पिरामल नाल्याचे जनरल अरुणकुमार वैद्य मार्ग ते मालाड खाडीदरम्यान रुंदीकरण करण्यात येणार आहे. नाल्याची एकूण लांबी ४.२० किमी असून सुमारे ३.५५ किमी लांबीच्या अंतरात हे काम होणार आहे. या कामामुळे गोरेगाव पूर्व भागातील विटभट्टी, गोगटेवाडी, सेंट थॉमस शाळा आणि गोरेगाव पश्चिमेला पिरामलनगर, महेशनगर परिसरात पाणी तुंबण्यापासून आणि पूरसदृश स्थिती रोखण्यास मदत होणार असल्याचे पालिकेकडून स्पष्ट करण्यात आले आहे.कुठे, किती खर्च?पिरामल नाल्याचे रुंदीकरण, मालाड६० कोटी ३३ लाख १ हजारपाली गाव, वांद्रे८ कोटी १७ लाख ५ हजारशेर्ली राजन गाव, वांद्रे११ कोटी ५४ लाख २० हजारबांगूरनगर, गोरेगाव९ कोटी १२ लाख १२ हजारयोगीनगर, लिंक रोड, चंदावरकर नाला, बोरिवली१३ कोटी ६७ लाख ५५ हजारRead Latest And

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/Gthjd5a